Дар асоси нақшаи корӣ бо иқдоми  бахши ҳифзи муҳити зист  дар ҳамҷоягӣ бо ҷамъияти шикорчиён ва моҳидорон   бо мақсади беталаф баровардани олами ҳайвоноти ваҳшӣ аз фасли зимистон дар минтақаи куҳи Сиёҳ  корҳои биотехникӣ гузаронида шуд. Дар ин мавзеъ ба миқдори умумии донҳои гуногун - 800 кг, сабзӣ - 200 кг, картошка - 200 кг, шалғам - 200 кг, намак - 100 кг, 20 адад бастаи коҳ пошида шуд. Тибқи маълумоти мутахассисон дар ин мавзеъ намудҳои олами ҳайвоноти ваҳшӣ ба монанди бузи кӯҳӣ, кабк, харгӯш, уқоб ва дигар намуди парандаҳо сукунат доранд.

Дар асоси нақшаи корӣ бо иқдоми  бахши ҳифзи муҳити зист дар ноҳияи Спитамен бо мақсадибеталаф баровардани олами ҳайвоноти ваҳшӣ аз фасли зимистон дар наздикии соҳили дарёи Сир корҳои биотехникӣ гузаронида шуд. Дар ин мавзеъ ба миқдори умумии резаи гандум - 350 кг,  ҷуворимакка - 200 кг., резаи биринҷ – 150 кг пошида шуд.

  Баҳри иҷрои қарори Ҳукумати Ҷумҳурии Тоҷикистон дар бораи «Барномаи давлатии кабудизоркунии Ҷумҳурии Тоҷикистон барои давраи то соли 2040» маъракаи ниҳолшинониву кабудизоркунӣ дар миқёси вилоят ҷараён дорад. Бо иқдоми шуъбаи ҳифзи муҳити зист дар ноҳияи Бобоҷон Ғафуров дар шоҳроҳи Душанбе - Чаноқ  бо иштироки муовини раиси ноҳия Ҳомидзода Ф., кормандони шуъба ва сокинони ҷамоати Ғозиён маъракаи ниҳолшинонӣ ташкил ва гузаронида шуда, дар қадди роҳҳо зиёда аз 200 бех навниҳолони ҳамешасабзу  ороишӣ шинонида шуд. Тибқи нақшаи тасдиқгашта дар ноҳия соли равон шинонидани 44 ҳазор бех дарахтони сояафкан, ҳамешасабз ва ороишӣ, мевадиҳанда пешбинӣ гардидааст.

 Баҳри амалӣ намудани нақшаи чорабиниҳо бахшида ба ҷашнҳои миллии давлатии дар пешистода ва тибқи нақшаи пешбинигардидаи мақомоти ҳифзи муҳити зист дар  шоҳроҳи Душанбе - Хуҷанд - Чаноқ ноҳияи Ҷаббор  Расулов аксияи «Тозагии шоҳроҳ» баргузор гардид. Дар он баробари кормандони бахши ҳифзи муҳити зист сокинони ҷамоату деҳот, ҳашарчиён зиёда аз 400 нафар иштирок намуда, қадди шоҳроҳ аз партовҳои гуногун тоза ва 8 метри мукааб партовҳои гуногун бароварда шуд. Ҳамзамон, баҳри татбиқи Барномаи давлатии кабудизоркунӣ бо иштироки кормандони бахши ҳифзи муҳити зисти ноҳия, сокинони ҷамоату деҳот, фаъолон  дар қадди шоҳроҳ беш  аз 200 бех ниҳолҳои ороишию сояафкан шинонида шуд. Соли равон тибқинақшадарноҳия  шинонидани 36 ҳазор бех ниҳолҳои ҳамешасабзу ороишӣдарназараст.

  Бо мақсади сазовор истиқбол намудани ҷашни 35-солагии Истиқлоли давлатии Ҷумҳурии Тоҷикистон, иҷрои дастуру супоришҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати сарсабзу хуррам намудани шаҳр дар ҳудуди шаҳр дарахтони ороишии ҳамешасабз аз қабили санавбари сӯзанбарг бо иштироки иҷрокунандаи вазифаи Раиси шаҳр Илҳом Пӯлотзода шинонида шуд. И.в Раиси шаҳр Илҳом Пӯлотзода ба масъулин таъкид намуд, ки дар соли 2025 тибқи нақша дар шаҳр бояд беш аз ҳашт ҳазор бех дарахт шинонида шавад ва бояд аз фазои мусоид истифода намуда, барои зебову хуррам намудани шаҳр ҳар чи бештар ниҳолҳои ороишии ҳамешасабз шинонида шавад.