June 2022

20 June 2022

Баланд бардоштани маърифати экологӣ ва иттилоотонидани аҳолӣ оид ба тағйирёбии иқлим

  Дар шаҳри Гулистон, Макази таълимии Бонки миллӣ, дар доираи лоиҳаи минтақавии «Тағйирёбии иқлим ва рушди устувор дар Осиёи Марказӣ» бо иштироки намояндагони мақомоти иҷроияи ҳокимияти давлатии вилоят, ташкилоти байналхалқию ҷамъиятӣ, сохторҳои давлатӣ ва идораю ташкилоте, ки бо масоили тағйирёбии иқлим алоқаманд мебошанд, бо дастгирии Барномаи Рушди СММ ва Иттиҳоди Аврупо мизи мудаввар баргузор гардид. Дар рафти чорабинӣ аз ҷониби сармутахассиси сарраёсат дар мавзўи «Нақши Барномаи давлатӣ дар самти баланд бардоштани маърифати экологӣ ва иттилоотонидани аҳолӣ оид ба тағйирёбии иқлим» презентатсия пешниҳод гардид, ки дар доираи он иштирокдорон бо пуррагӣ бо «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025» шинос карда шуданд. Умуман, мақсади асосии вохўрии иттилоотӣ ин ҳамоҳангсозии фаъолият ва рушди ҳамкорӣ байни мақомот ва сохторҳои давлатӣ, инчунин шарикони рушд буда, бо назардошти пешниҳоди иштирокчиён «Нақшаи амал» барои баланд бардоштани сатҳи дониши экологӣ, рушди ҳамкориҳои минтақавӣ  ва тақвияти чораҳои пешгирии хатарҳои вобаста ба тағйирёбии иқлим таҳия карда мешаванд.

Читать далее

Маросими қадршиносии ғолибони озмуни ҷумҳуриявӣ ва вилоятӣ байни хонандагони муассисаҳои таълимӣ

  Дар толори бинои Раёсати маорифи вилоят маросими супоридани диплому сипоснома бо мукофоту тўҳфаҳои Раиси Кумитаи ҳифзи муҳити зисти назди Ҳукумати Ҷумҳурии Тоҷикистон ба ғолибони озмуни даври ҷумҳуриявӣ ва сардори сарраёсат ба ғолибони озмуни даври вилоятии байни хонандагони муассисаҳои таҳсилоти миёнаи умумии шаҳру ноҳияҳо дар мавзўи «Оқибатҳои зарари партовҳо, аз он ҷумла партовҳои платикӣ» баргузор гардид. Пеш аз оғоз, бо дастовардҳои хонандагон, ки дар маҳфилҳои гуногуни Маркази таҳсилоти иловагӣ машғул мебошанд, сардори Раёсати маорифи вилоят Набизода М.Р. сардори сарраёсат Ҳакимзода А.Қ.-ро шинос карда, ҷиҳати минбаъд васеъ фаро гирифтани иштироки хонандагони мактабҳои шаҳру ноҳияҳо дар озмунҳои мазкур таклифҳо пешниҳод гардид. Дар маҷмўъ, 10 нафар хонандагон аз мактабҳои шаҳру ноҳияҳои Хуҷанд, Бўстон, Истиқлол, Б.Ғафуров, Ҷ.Расулов ва Спитамен аз тарафи Кумита ва 15 нафар хонандагон аз мактабҳои шаҳру ноҳияҳои Хуҷанд, Гулистон, Истиқлол, Истаравшан, Б.Ғафуров, Ҷ.Расулов, Спитамен ва Деваштич, ҳамчунин директори Маркази таҳсилоти иловагӣ дар вилоят ва мутахассиси муассисаҳои таҳсилоти томактабӣ ва миёнаи умумии Раёсати маорифи вилоят аз тарафи сарраёсат қадрдонӣ карда шуданд. Диплому сипоснома бо тўҳфаҳо аз ҷониби сардори Сарраёсати ҳифзи муҳити зист дар вилоят ва сардори Раёсати маорифи вилоят, ҳамагӣ ба 27 нафар супорида шуд.

Читать далее

Чорабиниҳои ҳифзкунандаи захираҳои моҳӣ дар давраи тухмгузорӣ дар вилояти Суғд ҷамъбаст гардиданд

  Санаи 15 июни соли ҷорӣ маъракаи ҳифзи захираҳои моҳӣ дар давраи тухмгузорӣ, ки бо фармоиши Раиси Кумитаи ҳифзи муҳити зисти назди Ҳукумати Ҷуҳурии Тоҷикистон аз 30 03.2022, №38 «Дар бораи ҳифзи захираҳои моҳӣ дар давраи тухмгузории соли 2022» аз 1 апрел то 15 июни соли равон манъ гардида буд, ба итмом расид. Аз тарафи ситод ва кормандони масъули Сарраёсати ҳифзи муҳити зист дар вилоят, ҳамчунин зерсохторҳо дар шаҳру ноҳияҳо баҳри иҷрои қарори Раиси Кумита ва фармоиши сардори сарраёсат аз 01.04.2022, №22 «Оид ба амалӣ гардонидани чорабиниҳои ҳифзкунандаи захираҳои моҳӣ дар давраи тухмгузории соли 2022» дар ин муҳлат як қатор тадбирҳо андешида шудаст. Баҳри амалӣ гаштани нақшаи чорабиниҳои якҷоя оид ба ҳифзи захираҳои моҳӣ дар обанборҳои вилоят, корҳои ташкилию амалӣ роҳандозӣ гардида, ҳамагӣ 256 маротиба амалиёти гуногуни назоратӣ гузаронида шудаст. Дар натиҷа 250 адад санади азназаргузаронӣ ва нисбати ҳолатҳои қўруқшиканӣ 63 адад протоколҳои ҳуқуқвайронкунии маъмурӣ тартиб дода шуда, инчунин 9 адад мавод оид ба сайди ғайриқонунии моҳӣ дар давраи тухмгузорӣ ба прокуратураи вилоят ҷиҳати оғози парвандаи ҷиноӣ пешниҳод гардидаст. Ҳамагӣ маблағи зарари пешниҳодгардида 14464 сомониро ташкил медиҳад. Дар баробари ин 12 адад хулосаи ихтиологӣ оид ба сайди ғайриқонунии моҳӣ дода шудааст.

Читать далее

16 June 2022

Назорати давлатӣ дар самти сайди ғайриқонунии моҳӣ

  Дар рўзҳои охирони баргузории чорабиниҳои ҳифзи захираҳои моҳӣ дар давраи тухмгузории соли 2022, аз ҷониби нозирони Сарраёсати ҳифзи муҳњити зист дар минтақаи Чилмаҳрами болооби обанбори Баҳри Тоҷик, ҳудуди ноҳияи Ашт амалиёти фаврии муштарак гузаронида шуд. Рафти амалиёти мазкур сокини деҳаи Гулшани ҷамоати деҳоти Шодобаи ноҳияи Ашт Ниёзматов Холмат барои бо аслиҳаи манъшуда - шасти барқӣ (электроудочка) ғайриқонунӣ сайд кардани 50 сар моҳии навъҳои гуногун боздошт гардид. Ҳамзамон, боз як сокини деҳаи Булоқи ҷамоати деҳоти Шодобаи ноҳияи Ашт Ғаниев Мадамин, ки бо сайди ғайриқонунии моҳӣ  бо тўри лескагӣ машғул буд, боздошт карда шудаст. Ҳангоми боздошт 18 сар моҳии ғайриқонунӣ навсайдшуда ошкор гардид. Нисбати шаҳрвандон Ниёзматов Х. ва Ғаниев М. маводи зарурӣ тартиб дода шуда, барои оғози парвандаи ҷиноӣ бо моддаи 230-и Кодекси ҷиноии Ҷумҳурии Тоҷикистон ба Прокуратураи вилояти Суғд пешниҳод гардидаст.

Читать далее

08 June 2022

Таҷлили Рӯзи умумиҷаҳонии муҳити зист дар шаҳри Панҷакент

  Дар асоси нақшаи чорабинии тасдиқгардида, бо ибтикори шӯъбаи ҳифзи муҳити зист дар шаҳри Панҷакент ва муассисаҳои соҳаи маорифи шаҳри Панҷакент дар Мамнӯъгоҳи таърихиву бостоншиносии Саразм барномаи идона бахшида ба 50 солагии Рӯзи умумиҷаҳонии муҳити зист гузаронида шуд. Дар чорабинии идона кормандони шӯъба, намояндагони шӯъбаи маорифи шаҳр, омӯзгорону хонандагони муассисаи таълимии миёнаи умумии № 3,30 ва намояндагони ВАО-и маҳаллӣ ширкат варзиданд. Рафти чорабинӣ хонандагон дар мавзӯҳои марбут ба ҳифзи муҳити зист, баланд бардоштани маърифати экологӣ, обшавии пиряхҳо, самаранок истифоба бурдани об, ҳифзи замин ва партов баромадҳо намуданд. Интиҳои чорабинӣ аз ҷониби кормандони шуъба ба омӯзгорон ва хонандагон барои иштироки фаъол дар чорабиниҳои экологӣ сипосномаву туҳфаҳо тақдим карда шуд.

Читать далее

Бахшида ба Рӯзи умумиҷаҳонии муҳити зист аксияи «Тозагии соҳил» дар вилояти Суғд

  Баҳри амалӣ намудани нақшаи чорабиниҳо бахшида ба ҷашнҳои миллии дар пешистода ва тибқи нақшаи пешбинигардидаи мақомоти ҳифзи муҳити зист ба муносибати 50-ум солгарди Рўзи умумиҷаҳонии муҳити зист дар миқёси вилоят бо ташаббуси Сарраёсати ҳифзи муҳити зист аксияи «Тозагии соҳил» баргузор гардид. Дар аксия намояндагони ташкилоту идораҳо, донишҷӯёну хонандагони муассисаҳои таълимии олӣ ва миёнаи умумӣ, шаҳрвандон ва аҳолии ҷамоати шаҳраку деҳот, дар маҷмуъ  беш аз 10,5 ҳазор нафар иштирок доштанд. Дар натиҷаи баргузории аксияи мазкур 41,6 километр соҳили манбаҳои обӣ аз партовҳои гуногун, аз ҷумла партовҳои пластикӣ тоза гардида, ба партовгоҳои шаҳру ноҳияҳо 64,3 метри мукааб партовҳо интиқол дода шудааст.

Читать далее

07 June 2022

Амалиёти назоратӣ ҷиҳати пешгирии ифлосшавии ҳавои атмосфера

  Дар асоси нақшаи пешбинигардида, дар кӯчаи марказии ноҳияи Шаҳристон аз ҷониби мутахассисони мақомоти ҳифзи муҳити зист дар ҳамкорӣ бо кормандони шуъбаи милитсияи экологӣ ва сайёҳии ВКД-и Ҷумҳурии Тоҷикистон дар вилоят амалиёти «Ҳавои тоза» баргузор гардид. Дар рафти амалиёти мазкур 30 адад нақлиёти тамғаашон гуногун аз санҷиши аналитикӣ гузаронида, нисбати 4 адад ронандагон барои аз меъёр зиёд ихроҷ намудани моддаҳои ифлоскунанда ба ҳавои атмосфера аз нақлиёт ва вайрон кардани стандартҳои амалкунанда протоколҳои ҳуқуқвайронкунии маъмурӣ тартиб дода шудаст.

Читать далее

Таҷлили Рӯзи умумиҷаҳонии муҳити зист дар ноҳияи Ҷаббор Расулов

  Бо мақсади дар сатҳи баланд ҷашн гирифтани Рӯзи байналмилалии муҳити зист дар маҷлисгоҳи мақомоти иҷроияи ҳокимияти давлатии ноҳияи Ҷаббор Расулов маҷлиси тантанавӣ доир гардид. Дар он муовини раиси ноҳия Аҳмадзода Илҳом, роҳбарони муассисаву ташкилотҳо, намояндагони хоҷагии манзиливу коммуналӣ, раисони ҷамоатҳо ва бахши маориф иштирок доштанд. Бо суханони табрикӣ муовини раиси ноҳия Аҳмадзода Илҳом  табрикоти раиси ноҳияро ба ҳозирин расонида, ба кормандони бахши ҳифзи муҳити зист, ба роҳбарони муассисаву ташкилотҳое, ки дар беҳдошти муҳити зисти ноҳия саҳми арзанда гузоштаанд,  сипосномаву туҳфаҳо тақдим  намуд.

Читать далее

Тарғиби маърифати экологӣ асоси фаъолият

  Дар шуъбаи ҳифзи муҳити зисти шаҳри Хуҷанд ба муносибати Рўзи байналмилалии ҳифзи муҳити зист нишаст баргузор гардид. Азиз Дўстматов, сардори шуъбаи ҳифзи муҳити зисти шаҳри Хуҷанд таъкид дошт, ки ҳамасола дар қаламрави олам санаи 5-уми июн ҳамчун Рўзи байналмилалии ҳифзи муҳити зист таҷлил мегардад. Воқеан ҳам вазъи муҳити зист дар сайёра дигаргун мегардад ва мо, сокинони сайёраро зарур меояд, ки баҳри ҳифз ва ҳимояи неъматҳои табиат талош варзем. Эълом гардидани Рўзи умумиҷаҳонии ҳифзи муҳити зист маҳз ҳамин маъниро дорад ва барои огоҳӣ пайдо намудани ҷомеа ва ҷиҳати баланд бардоштани маърифатнокии онҳо вобаста ба муаммоҳои экологӣ тадбири асосӣ ва саривақтӣ маҳсуб меёбад. Инсон бо табиат робитаи зич дорад ва онро чун манбаи ҳастӣ барои зиндагии хеш истифода мебарад. Сипас барои саҳмгузорӣ дар ҳамкории мутақобилан судманд сармуҳаррири рўзномаи “Тирози ҷаҳон” Муҳайё Воситзода, сардори Дафтари матбуоти Раиси шаҳри Хуҷанд Маъмури Юсуфзод, наворбардори Дафтари матбуоти Раиси шаҳри Хуҷанд Зокирҷон Холов ва роҳбарони литсейҳои политехникӣ, сохтмонӣ, касбӣ-хизматӣ, техникии шаҳри Хуҷанд бо Сипоснома ва туҳфаҳои хотиравии шуъбаи ҳифзи муҳити зист қадршиносӣ гардиданд. Таъкид шуд, ки дар оянда низ барои тозаву озода нигоҳ доштани муҳити зисти шаҳр, тарғиби фарҳанги зебоипарастӣ, маърифати  экологӣ ва тарзи ҳаёти тозаву солим дар ҳамкорӣ бо шуъбаи ҳифзи муҳити зисти шаҳри Хуҷанд корҳо тақвият бахшида мешавад.

Читать далее

Аксияи “Тозагии маҳал” бахшида ба Рӯзи умумиҷаҳонии муҳити зист

  Бо ташаббус ва ибтикори бахши ҳифзи муҳити зисти ноҳияи Мастчоҳ бахшида ба Рӯзи умумиҷаҳонии муҳити зист дар шаҳраки Бӯстон аксияи “Тозагии маҳал” гузаронида шуд, ки дар он гурӯҳи волонтиёрон аз ҳисоби донишҷӯёни коллеҷи кишоварзии ноҳия кӯчаву гулгаштҳо ва назди каналҳои обгузарро аз партовҳо пурра тоза намуданд. Бахш тасмим гирифтааст, ки чунин корҳои тозагиро дар дигар ҷамоатҳои шаҳраку деҳоти ноҳия идома диҳад.

Читать далее

Скачано с веб-сайта JooMix.org.