January 2025

18 January 2025

Баргузории аксияи "Тозагии соҳил" дар шаҳри Гулистон

Подробности статьи: Автор; Категория News

Санаи 17.01.2025 тибқи нақшаи кории мақомоти иҷроияи ҳокимияти давлатии шаҳр ва бахши ҳифзи муҳити зисти шаҳр дар соҳили "Баҳри тоҷик" аксияи "Тозагии соҳил" бо мақсади тозаву озода намудани соҳили баҳр, ки мавзеи истироҳативу фароғатӣ аст ва ҳамарӯза меҳмонон аз дохил ва хориҷи кишвар барои истироҳат ташриф меоранд баргузор гардид. Дар рафти баргузории аксияи мазкур соҳили баҳр аз партовҳо тозаву озода карда шуд.

Корҳои биотехникӣ дар ноҳияи Шаҳристон

Подробности статьи: Автор; Категория News

Бо мақсади беталаф баровардани олами ҳайвоноти ваҳшӣ аз фасли зимистон, таъмини иҷрои нақшаи корӣ, бо иштироки кормандони сарраёсат ва бахши ҳифзи муҳити зист дар ноҳияи Шаҳристон минтақаи “Дараи сабз” корҳои биотехникӣ гузаронида шуд. Рафти чорабинӣ барои бо хӯрок таъмин намудани ҳайвоноти ваҳшӣ дар ин мавзеъ маҳсулотҳо ба монанди картошка, резаи гандум, ҷав ва ҷуворимакка, намак, сабзӣ, карам, бастаибедавакоҳ истифода бурда шуд. Тибқи маълумоти мутахассисони соҳа дар ин мавзеъ намудҳои олами ҳайвоноти ваҳшӣ ба монанди гург, бузи кӯҳӣ, хуки ёбоӣ, харгӯш, кабк ва дигар намуди парандаҳо сукунат доранд. Ҳангоми сард омадани ҳаво дар дигар минтақаҳои баландкӯҳи вилоят гузаронидани корҳои биотехникӣ пешбинӣ гардидааст.

17 January 2025

Мизи мудаввар оид ба раванди фаъолияти «Нозирони сабз» дар татбиқи «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025»

Подробности статьи: Автор; Категория News

Дар толори меҳмонхонаи Суғдиёни шаҳри Хуҷанд бо иштироки намояндагони Марказҳои таҳсилоти иловагии Раёсати маорифи вилоят дар шаҳру ноҳияҳои вилояти Суғд ва «Клуби экологӣ»-и Донишкадаи кӯҳию металлургии Тоҷикистон мизи мудаввар барпо гардид. Мизи мудавари мазкур дар доираи талаботи бандҳои нақшаи чорабинҳоитатбиқи «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025» бо мақсади шинос намудани намояндагони Марказҳои таҳсилоти иловагӣ дар шаҳру ноҳияҳо ва аъзоёни «Клуби экологӣ»-и донишкада бо фаъолияти «Нозирони сабз», инчунин бо нақшаҳои минбаъдаи корӣ барои соли 2025 гузаронида шуд. Боиси қайд аст, ки чорабинӣ дар ҳамкории Сарраёсати ҳифзи муҳити зист дар вилояти Суғд бо Ташкилоти ҷамъиятии «Гурӯҳи ҷавонон оид ба ҳифзи муҳити атроф» Маркази Орхус дар шаҳри Хуҷанд ва бо ҷалби сармуҳаррири рӯзномаи вилоятии «Согдийская правда» ташкил гардида, ба иштирокдорон дар бораи рафти татбиқи Барномаи давлатӣ дар солҳои 2021 - 2024 ва нақшаҳо барои соли ҷамъбастии 2025, презентатсияҳо доир ба фаъолияти «Клуби экологӣ»-и Донишкадаи кӯҳию металлургии Тоҷикистон, фаъолияти «Нозирони сабз» дар соли 2024 ва нақшаи чорабиниҳои онҳо барои соли 2025 – 2026, дар бораи эълони озмуни «Омӯзгори беҳтарини «Нозирони сабз» байни омӯзгорони муассисаҳои таълимии бо раванди «Нозирони сабз» фаъолиятдошта ва Низомномаи озмун, моҳияти дарсҳои иловагӣ барои аъзоёни «Нозирони сабз» ва дигар масъалаҳои вобаста ба мавзӯъ маълумот пешниҳод гардид.

Маъракаи ниҳолшинонӣ дар ноҳияи Спитамен

Подробности статьи: Автор; Категория News

Баҳри иҷрои қарори Ҳукумати Ҷумҳурии Тоҷикистон дар бораи «Барномаи давлатии кабудизоркунии Ҷумҳурии Тоҷикистон барои давраи то соли 2040» ва қарори раиси вилояти Суғд дар миқёси вилоят маъракаи ниҳолшинонӣ оғоз гардидааст. Бо иқдоми бахши ҳифзи муҳити зист дар доираи чунин маърака дар ҷамоатҳои шаҳраки Навкат, ҷамоати деҳоти Сарбанд, Куруш ваТағояк воқеъ дар қади шоҳроҳи Душанбе-Чаноқ зиёда аз 350 бех навниҳолони ҳамешасабзу ороишӣ шинонида шуд. Тибқи нақшаи тасдиқгашта дар ноҳияи Спитамен соли 2025 шинонидани 24 ҳазор бех дарахтони сояафкан, ҳамешасабз ва ороишӣ, мевадиҳанда пешбинӣ гардидааст.

Маъракаи ниҳолшинонӣ дар ноҳияи Зафаробод

Подробности статьи: Автор; Категория News

Баҳри кабудизоркунӣ ва ободонии диёр, вусъат бахшидан ба корҳои ободониву хуррамгардонӣ дар ҳудуди шаҳраки Зафаробод бо иштироки роҳбарияти мақомоти иҷроияи ҳокимияти маҳаллӣ, собиқадорон, кормандони корхонаву ташкилот ва муассисаҳо 200 бех ниҳолҳои ҳамешасабз, аз он ҷумла 100 бех сановбар ва 100 бех арчаи шарқӣ шинониданд. Соли равон тибқи нақша дар ноҳия шинонидани 40 ҳазор бех ниҳолҳои ҳамешасабзу ороишӣ дар назар аст.

Бартараф намудани партовҳои бесоҳиб дар шаҳри Гулистон

Подробности статьи: Автор; Категория News

Бо мақсади таъмини рафти иҷрои қарори Ҳукумати Ҷумҳурии Тоҷикистон аз 02.11.2012, №626 ва қарори Раиси вилояти Суғд аз 08.02.2013с. №31 «Дар бораи тартиби ошкор кардан ва баҳисоб гирифтани партовҳои бесоҳиб ва пешгирии ифлосшавии муҳити зист ва кам кардани ҳаҷми ҳосилшавии партовҳо» мақомоти ҳифзи муҳити зист мунтазам чораҳои заруриро андешида истодааст.Бо ин мақсад дар шаҳраки Сирдарёи шаҳри Гулистон бо ташаббуси бахши ҳифзи муҳити зист бо ҷалби 3 адад техника партови бесоҳиб бартараф карда шуда, беш аз 214 м3 партовҳо ба партовгоҳи расмӣ интиқол ва ҷойгиронида шуд.Чорабиниҳои пешгирии ифлосшавии муҳити атроф, беҳбудӣ бахшидан ба ҳолати экологӣ дар доираи нақшаи чорабиниҳо бахшида ба 35-солагии Истиқлоли давлатии Ҷумҳурии Тоҷикистон дар дигар ҷамоати шаҳраку деҳот идома дорад.

Саҳми омӯзгорони Мастчоҳ дар сабзсозии шоҳроҳи Душанбе-Чаноқ

Подробности статьи: Автор; Категория News

Бо ибтикори шӯъбаи маорифи ноҳияи Мастчоҳ ва дар ҳамовозӣ ба ҳаракати ҷумҳуриявии ниҳолшинонӣ, имрӯз, 15 январ омӯзгорони муассисаҳои таълимии ноҳия дар маъракаи ниҳолшинонӣ дар шоҳроҳи Душанбе-Чаноқ фаъолона иштирок карданд. Дар доираи ин иқдоми кабудизоркунӣ беш аз 2000 бех ниҳолҳои ороишиву сояафкан дар шафати шоҳроҳ шинонида шуд. Маърака бо иштироки муовини якуми раиси ноҳияи Мастчоҳ Шермуҳаммад Нодирӣ, роҳбарону кормандони шӯъбаи маориф ва омӯзгорони муассисаҳои таълимӣ баргузор гардид. Муовини якуми раиси ноҳия Шермуҳаммад Нодирӣ зимни иштирок дар маъракаи кабудизоркунӣ гуфт: "Ин ташаббус ҷузъи муҳими сиёсати экологӣ ва роҳандозии ҳаракатҳои ватандӯстона мебошад. Омӯзгорони мо бо шинондани ин ниҳолҳо на танҳо саҳми худро дар кабудизоркунӣ мегузоранд, балки барои наслҳои оянда намунаи ибрат мешаванд." Таъкид гардид, ки чунин маъракаҳо дар оянда низ идома хоҳанд ёфт.

10 January 2025

Таъсиси Маркази омӯзиши тағйирёбии иқлим ва пиряхҳо

Подробности статьи: Автор; Категория News

Дар факултети геоэкология ва туризми МДТ «Донишгоҳи давлатии Хуҷанд ба номи академик Б.Ғафуров» Маркази омӯзиши тағйирёбии иқлим ва пиряхҳо таъсис ёфт. Ин иқдом дар доираи «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» ва эълон гардидани «Соли 2025 – Соли байналмилалии ҳифзи пиряхҳо» роҳандозӣ гардид. Дар маросими ифтитоҳи Марказ ректори донишгоҳ, профессор Усмонзода А.И. ва намояндаи мақомоти иҷроияи ҳокимияти давлатии вилояти Суғд Т.Султонӣ иштирок намуда, ифтитоҳи Маркази мазкурро дар самти омӯзиши илмии пиряхҳо, таҳқиқоти тағйирёбии иқлим, баррасии таъсироти тағйирёбии иқлим ба муҳити зист, иқтисодиёт ва ҷомеа, омода намудани мутахассисони соҳа дар самти пиряхшиносӣ ва экологияи иқлим судманд унвон намуданд.

04 January 2025

Натиҷагирӣ аз фаъолияти солонаи Сарраёсати ҳифзи муҳити зист дар вилояти Суғд

Подробности статьи: Автор; Категория News

Дар толори маҷлисгоҳи Сарраёсати ҳифзи муҳити зист дар вилояти Суғд ҷаласаи мақомоти ҳифзи муҳити зист оид ба ҷамъбасти фаъолияти солона ва вазифаҳои минбаъда бо иштироки муовини раиси вилояти Суғд Зариф Мирдадо, намояндаи Кумитаи ҳифзи муҳити зисти назди Ҳукумати Ҷумҳурии Тоҷикистон Шамсулло Салимзода, сардори Сарраёсат Суҳроб Холзода ,сардорони шуъбаҳои назоратӣ, роҳбарони зерсохторҳо дар шаҳру ноҳияҳо баргузор гардид. Сардори Сарраёсати ҳифзи муҳити зист дар вилояти Суғд Холзода Суҳроб пас аз шунидани маърӯзаи ҳисоботӣ аз сардорони шуъбаҳои назоратӣ ва роҳбарони зерсохторҳо дар шаҳру ноҳияҳо пурсиш намуда, барои ислоҳи камбудиҳои ҷойдошта баҳри пешрафти фаъолияти минбаъда дастуру супоришҳо дод. Муовини раиси вилоят Зариф Мирдадо ҷиҳати дар амал татбиқ намудани қарори Ҳукумати Ҷумҳурии Тоҷикистон «Дар бораи Барномаи давлатии кабудизоркунии Ҷумҳурии Тоҷикистон барои давраи то соли 2040» дар вилояти Суғд, назорати ҳолати сабзиши ниҳолҳои шинонидашуда дар шоҳроҳҳо ва дигар минтақаҳо, ташкил намудани ниҳолхонаҳо дар вилоят, назорати иҷроиши бандҳои нақшаи чорабиниҳои «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021 - 2025» ва гузаронидани комиссияи байниидоравии давлатӣ оид ба маърифати экологӣ дастуру супоришҳо дод.

Тамошои Паёми солонаи Асосгузори сулҳу ваҳдати миллӣ, Пешвои миллат, Президенти мамлакат муҳтарам Эмомалӣ Раҳмон дар Сарраёсати ҳифзи муҳити зисти вилоят

Подробности статьи: Автор; Категория News

Дар Сарраёсати ҳифзи муҳити зисти вилояти Суғд тамошои дастаҷамъонаи Паёми навбатии Асосгузори сулҳу ваҳдати миллӣ, Пешвои миллат, Президенти мамлакат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» муташаккилона роҳандозӣ гардид. Кормандони мақомоти ҳифзи муҳити зист Паёми имсоларо, ки тамоми ҷабҳаҳои ҳаёти кишвар бо асноду мисолҳои мушаххас мавриди таҳлилу баррасӣ ва натиҷабардорӣ қарор гирифт, якдилона ҷонибдорӣ намуданд. Паёми Пешвои миллат дар назди ҳар як шаҳрванди кишвар, ки нисбати тақдири миллат бетараф нест, масъулияти бузургеро мегузорад ва барои дар амал татбиқ намудани он барои таъмини зиндагии босаодати мардуми кишвар мусоидат хоҳад намуд.