Все статьи

17 October 2022

Озмуни «Тирамоҳи заррин» дар ноҳияи Зафаробод

Подробности статьи: Автор; Категория News

Бахшида ба "Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф”, солҳои 2020-2040 дар муассисаи таҳсилоти миёнаи умумии № 1 ноҳияи Зафаробод озмуни «Тирамоҳи заррин» гузаронида шуд. Дар озмун 15 адад муассисаҳои таълимии шаҳр бо гӯшаҳои ба намоиш гузоштаи худ ширкат варзиданд. Мактаббачаҳо гӯшаҳои худро бо нозу неъматҳои фасли тирамоҳи заррин, аз қабили сабзавоту меваҷот, ғалладонаҳо, меваҳои хушк, мусаввараҳо, аксҳои ранга, маводи дастисохт, расмҳои бо ғалладонаҳо тасвиркардаву бо ресмонҳо кашидашуда оро дода буданд. Озмун аз рӯи 5 шарт: ташкили намоишгоҳ, истифодаи маводи табиӣ, намунаҳо аз гербарияҳо, суратҳои ранга, маводи видеоӣ оид ба корҳои иҷрошудаи гуруҳи нозирони сабз, саволу ҷавоб (викторина) аз фанҳои табиатшиносӣ ва ҳимояи рисолаву рефератҳои хонандагон дар мавзӯи муҳити зист ва экология гузаронида шуд. Аз рӯи ин шартҳо зиёда 180 нафар хонандагони синфҳои аз 6 то 11 иштирок намуданд. Ҳайати ҳакамон, намояндагони бахши ҳифзи муҳити зист ва шуъбаи маориф, ба донишу фаҳмиши хонандагон доир ба муҳити зист баҳои баланд доданд. Ғолибони озмун хонандагони МТМУ № 1, № 6 ва № 16 эълон гардида, аз тарафи намояндагони бахши ҳифзи муҳити зист ва шуъбаи маорифи шаҳр бо ифтихорнома ва туҳфаҳои хотиравӣ қадршиносӣ гардиданд.

Аксияи экологӣ бахшида ба «Рӯзи дарёи Сир»

Подробности статьи: Автор; Категория News

Бахшида ба «Рӯзи дарёи Сир» дар «Боғи фарҳангӣ - фароғатии Наврӯзгоҳ»-и шаҳри Хуҷанд, дар ҳамкории Сарраёсати ҳифзи муҳити зист дар вилояти Суғд, Раёсати минтақавии захираҳои оби ҳавзаи Сирдарё, Ташкилоти ҷамъятии «Гурӯҳи ҷавонон оид ба ҳифзи муҳити атроф», Ассотсиатсияи «Хелветас Свисс Интеркооперейшн» филиал дар Ҷумҳурии Тоҷикистон ва бо дастгирии Дафтари Барномаи Рушди СММ дар вилоят аксияи экологӣ баргузор гардид. Чорабинии мазкур бисёр дўстдорони табиатро ҷалб намуд, ки беш аз 60 нафар донишҷӯёни эко – фаъолон, аъзоёни «Эко – клуб»-и Донишкадаи кӯҳӣ – металлургии Тоҷикистон, волонтёрон, зиёда аз 20 нафар шаҳрвандон ва намояндагони васоити ахбори омма ҳам дар корҳои тоза намудани боғ аз партовҳои пластикӣ ва ҳам дар озмун – викторинаи ташкилгардида иштирок карда, ғолибон соҳиби тӯҳфаҳо шуданд. Ҳамчунин, рафти чорабинӣ дар баробари иҷро намудани корҳои ободонӣ, насби ду адад қуттии махсус барои зарфҳои пластикӣ амалӣ гардид. «Рўзи дарёи Сир» бо мақсади нишон додани муҳимияти захираҳои об қайд гардида, ҷиҳати ҷалб, иттилоотонидан ва баланд бардоштани дониши экологии ҷавонон дар самти истифодаи оқилона ва ҳифзи захираҳои об, мустаҳкам намудани амнияти экологӣ ва беҳсозии сатҳу сифати зиндагии аҳолӣ дар шаҳру ноҳияҳо мусоидат менамояд.

14 October 2022

Вохӯрӣ дар доираи чорабинии иҷтимоӣ «Замини тоза барои насли оянда»

Подробности статьи: Автор; Категория News

Вохўрии дар ҷамоати деҳоти Истиқлоли ноҳияи Спитамен баргузор гардида «Замини тоза барои насли оянда» ном дошта, ба баланд бардоштани маърифати экологии иштирокчиён ва ҳифзи муҳити зист бо воситаи корҳои фаҳмондадиҳӣ бахшида шуд. Дар толори муассисаи таълимии миёнаи умумии №9, сарвари мактаби мазкур, омӯзгорони фанни экология ва хонандагон аз се мактаби ҷамоат, муовини раиси ҷамоати деҳоти Истиқлол, намояндагони бахши кор бо ҷавонон ва варзиш, шуъбаи кор бо занон ва оилаи мақомоти иҷроияи ҳокимияти давлатии ноҳияи Спитамен, дар маҷмӯъ 100 нафар иштирок доштанд. Дар рафти чорабинӣ аз ҷониби намояндаи Ташкилоти ҷамъиятии «МИР» маълумот оид ба фаъолияти ташкилот ва аз ҷониби намояндаи Ташкилоти ҷамъиятии «Гурӯҳи ҷавонон оид ба ҳифзи муҳити атроф»/ YGPE дар бораи муҳофизати муҳити атроф ва тоза нигоҳ доштани он, аз ҷумла ҳифзи ҳавои атмосфера ва захираҳои об мини - лексияҳо бо намоиши видеороликҳо амалӣ гардид. Ҳамчунин, тибқи барномаи чорабинии иҷтимоӣ сармутахассиси Сарраёсати ҳифзимуҳитизист дарвилоятиСуғд «Барномаи давлатии маҷмўии рушди тарбия ва маърифати экологии аҳолии Ҷумҳурии Тоҷикистон барои солҳои 2021 - 2025»-ро барои иштирокдорон шарҳ дод.

13 October 2022

Натиҷагирӣ аз фаъолияти семоҳаи сеюми Сарраёсати ҳифзи муҳити зист дар вилояти Суғд

Подробности статьи: Автор; Категория News

Дар толори маҷлисгоҳи бахши ҳифзи муҳити зист дар шаҳри Бӯстон ҷаласаи мақомоти ҳифзи муҳити зист оид ба ҷамъбасти фаъолияти семоҳаи сеюм ва вазифаҳои минбаъда баргузор гардид. Дар ҷаласа мудири бахши кишоварзии мақомоти иҷроияи ҳокимияти давлатии вилояти Суғд Акбаров Саидимон, сардори Сарраёсат Ҳакимзода Абдуаҳад, сардорони шуъбаҳои назоратӣ ва сармутахассисон, сардорони шуъбаҳо ва мудирони бахшҳои ҳифзи муҳити зисти шаҳру ноҳияҳо иштирок доштанд. Рафти ҷаласа ҳисобот оид ба ҷамъбасти фаъолият дар семоҳаи сеюми соли 2022 шунида шуд. Рафти ҷаласа сардори сарраёсат Ҳакимзода А.Қ. аз роҳбарони зерсохторҳо дар шаҳру ноҳияҳо ва сардорони шуъбаҳои назоратӣ пурсиш ба амал оварда, барои ислоҳи камбудиҳои ҷойдошта, беҳтар намудани вазъи экологӣ ва пешрафти фаъолияти минбаъда вазифагузорӣ намуд.

05 October 2022

Забон ҳастии миллат

Подробности статьи: Автор; Категория News

Ҳамасола 5-уми октябр ҳамчун Рӯзи забони давлатӣ дар қаламрави ҷумҳурӣ қайд карда мешавад, ки ба феҳристи ҷашнҳои Ҷумҳурии Тоҷикистон дохил гардидааст. Забони тоҷикӣ чун забони давлатӣ дар Ҷумҳурии Тоҷикистон мавқеи асосӣ дошта, аз ҷониби Асосгузори сулҳу ваҳдати миллӣ, Пешвои миллат, Президенти мамлакат муҳтарам Эмомалӣ Раҳмон ҳамчун яке аз рукнҳои муҳими иcтиқлолияти кишвар мавриди дастгирӣ қарор гирифтааст. Ба ифтихори таҷлили Рӯзи забони давлатӣ дар толори маҷлисгоҳи Сарраёсати ҳифзи муҳити зист дар вилояти Суғд бо иштироки Раиси Кумитаи иҷроияи Ҳизби Халқии Демократии Тоҷикистон дар шаҳри Хуҷанд Исматҷонов Бахтиёр ва кормандони мақомоти ҳифзи муҳити зист маҷлиси тантанавӣ доир гардид. Сардори Сарраёсати ҳифзи муҳити зист дар вилояти Суғд Ҳакимзода Абдуаҳад пас аз суханони табрикӣ нақши Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро дар рушду густариши забони тоҷикӣ беназир арзёбӣ намуда, қайд намуд, ки маҳз ба василаи сиёсати хирадмандонаи Роҳбари давлат забони модарӣ дар замони соҳибистиқлолӣ ҷойгоҳи аслии худро соҳиб гардид.

Аксияи «Тозагии соҳил ва маҳал» дар Искандаркӯл ва Ҳафткӯл

Подробности статьи: Автор; Категория News

Бо иқдоми Сарраёсати ҳифзи муҳити зист дар вилояти Суғд ҷиҳати беҳбудӣ бахшидан ба вазъи экологӣ ва баланд бардоштани маърифати экологии аҳолӣ дар мавзеҳои Искандаркули ноҳияи Айнӣ ва Ҳафткӯли шаҳри Панҷакент аксияи "Тозагии соҳил" ва "Тозагии маҳал" гузаронида шуд. Дар он кормандони мақомоти ҳифзи муҳити зист, сокинони ҷамоатҳо фаъолона иштирок намуда, соҳили кӯл аз партовҳои гуногун пурра тоза карда шуд. Чорабинии мазкур баҳри татбиқи нақшаи чорабиниҳои Даҳсолаи байналмиллалии амал «Об барои рушди устувор, 2018-2028» амалӣ гардида, барои ҷалби бештари сайёҳон ба ин мавзеъ мусоидат менамояд.

4 октябр – Рӯзи ҳифзи ҳайвонот

Подробности статьи: Автор; Категория News

Ҳар сол 4 октябр ҳамчун Рӯзи байналмилалии ҳифзи ҳайвонот ҷашн гирифта мешавад. Ҳадафи асосии ин санаи экологӣ ҷалб намудани башарият ба ҳифз, нигаҳдорӣ , наҷоти олами ҳайвонот ва ҳифзи гуногунии намуди онҳо маҳсуб меёбад. Олами гуногунии биологии Тоҷикистон хеле ғанӣ ва нотакрор аст. Дар ҳудуди начандон калони ҷумҳуриамон беш аз 13 ҳазор намуди ҳайвонот муайян гардидааст. Бештари онҳо дар экосистемаҳои кўҳӣ сукунат гирифтаанд. Дар мавзеҳои водию пешкӯҳҳо, дарёҳо, заминҳои кишоварзии назди шаҳру ноҳияҳои диёрамон намудҳое паҳн гардидаанд, ки бо аҳолӣ зич ҳаёт мебаранд. Аз мониторинги солҳои охир бармеояд, ки дар зери таъсири омилҳои гуногуни антропогенӣ баъзе намудҳои олами ҳайвонот миқдоран кам шуда, ҳатто як қисми намудҳо зери хатари маҳвшавӣ қарор доранд. Олами ҳайвоноти Тоҷикистон хеле бой ва гуногунранг мебошад. Дар ҳудуди кишвар 49 намуди моҳӣ, 2 намуди ҷонвари дубаҳра, 44 намуди ҳайвоноти хазанда, 10 ҳазор ҳайвони бемӯҳра, 85 намуди ҳайвоноти ширхор, ки дар байни онҳо ҳайвони нодир, чун гӯсфанди Марко Поло, оҳуи хушзоти бухорӣ, ғизол зиндагӣ мекунад.

29 September 2022

Ҷаласаи Комиссияи байниидоравӣ оид ба маърифати экологӣ дар шаҳри Хуҷанд

Подробности статьи: Автор; Категория News

Дар доираи амалӣ гардидани «Барномаи давлатии маҷмўии рушди тарбия ва маърифати экологии аҳолии Ҷумҳурии Тоҷикистон барои солҳои 2021 - 2025» ҷаласаи аввалини Комиссияи байниидоравии давлатӣ оид ба маърифати экологии аҳолӣ дар мақомоти иҷроияи ҳокимияти давлатии шаҳри Хуҷанд доир гардид. Дар он муовини аввали Раиси ш.Хуҷанд Ғайбуллозода Х. - раиси комиссия, сардори шуъбаи ҳифзи муҳити зист дар ш.Хуҷанд Дӯсматов А. - котиби комиссия, аъзоёни комиссия - намояндагони шуъбаи маориф, бахши кор бо занон ва оила, бахши кор бо ҷавонон ва варзиш, бахши фарҳанг, бахши саноат ва энергетика, шуъбаи иқтисод ва савдо, шуъбаи ҳифзи иҷтимоии аҳолӣ, бахши энергетика ва саноат, маркази назорати давлатии санитарӣ эпидемиологии шаҳр, шуъбаи агентии меҳнат ва шуғли аҳолӣ, шуъбаи хадамоти муҳоҷират ва шуғли аҳолӣ, раёсати кумитаи ҳолатҳои фавқулодда ва мудофиаи граждании вилоятии Суғд дар ш.Хуҷанд, котиби матбуоти раиси шаҳр иштирок доштанд.

Ҷамъбасти озмуни «Пиряхҳои Тоҷикистон - сарчашмаи обҳои тозаи минтақаи Осиёи Марказӣ ва омили мутобиқшавӣ ба тағйирёбии иқлим» дар байни кормандони воситаҳои ахбори омма

Подробности статьи: Автор; Категория News

Санаи 27 сентябри соли равон дар толори маҷлисгоҳи Сарраёсат бахшида ба 31 солагии Истиқлолияти давлатии Ҷумҳурии Тоҷикистон ва 30 солагии Иҷлосияи ХУ1-и Шӯрои Олии Ҷумҳурии Тоҷикистон ҷамъбасти озмуни ҷумҳуриявии «Пиряхҳои Тоҷикистон - сарчашмаи обҳои тозаи минтақаи Осиёи Марказӣ ва омили мутобиқшавӣ ба тағйирёбии иқлим» байни кормандони воситаҳои ахбори омма баргузор гардид. Зимни баромад сардори Сарраёсати ҳифзи муҳити зист дар вилояти Суғд Ҳакимзода Абдуаҳад нақши матбуот ва воситаҳои ахбори оммаро дар замони муосир қайд намуда, саҳми назарраси онҳоро дар самти баланд бардоштани маърифати экологии аҳолӣ арзёбӣ намуд. Сипас ба ғолибони озмун аз рӯи номинатсияҳои «Бахши телевизион» кормандони телевизиони «Синамо» Каримов О. ва “7 Ситора” Раҷабова Ӯ., номинатсияи «Бахши маводи матбуот» - корманди рӯзномаи “Тирози ҷаҳон” Ваҳҳобова М. ва аълочии матбуоти Тоҷикистон - Юсупов М. ва номинатсияи «Бахши радио» муҳаррири радиои вилояти Суғд Абдуллозода Н. ифтихорнома ва мукофотҳои пулии Раиси Кумитаи ҳифзи муҳити зисти назди Ҳукумати Ҷумҳурии Тоҷикистон супорида шуд. Озмуни мазкур бо мақсади татбиқи сиёсати Ҳукумати Ҷумҳурии Тоҷикистон дар самти баланд бардоштани маърифати экологии аҳолӣ ва ҳавасманд намудани рӯзноманигорон ҷиҳати ташвиқу тарғиби ҳифзи муҳити зист ва мусоидат ба ҳалли мушкилоти экологӣ роҳандозӣ гардидааст.

Амалиёти “Ҳавои тоза” дар ноҳияи Масчоҳ

Подробности статьи: Автор; Категория News

Дар асоси нақшаи кории мақомоти ҳифзи муҳити зист бо мақсади кам намудани ихроҷи моддаҳои зараровар ба ҳавои атмосфера аз тарафи кормандони шуъбаи мониторинги экологӣ, таҳлил ва ахбороту иттилоот ва бахши ҳифзи муҳити зисти ноҳия дар шоҳроҳи Хуҷанд - Чаноқ амалиёти «Ҳавои тоза» гузарониданд. Рафти амалиёт 32 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ (дизелӣ, бензин ва гази моеъ) муайян гардид. Дар рафти амалиёт нисбати ронандагони 6 адад воситаҳои нақлиёти автомобилие, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ кардаанд, протоколҳои ҳуқуқвайронкунии маъмурӣ тартиб дода шуда, барои чораандешӣ ба БДА-и ноҳия ирсол гардид.