Все статьи
10 November 2021
Конститутсия – роҳнамои имрӯзу фардои давлату миллат
- Подробности статьи
- Автор
- Категория News
Бахшида ба рӯзи Конститутсияи Ҷумҳурии Тоҷикистон дар маркази бозомӯзии сарраёсат дар шаҳри Бӯстон маҷлиси тантанавӣ бо иштироки кормандони мақомоти ҳифзи муҳити зисти вилоят баргузор гардид. Сардори сарраёсат Ҳакимзода А.Қ. бо суханони ифтитоҳӣ чорабинии мазкурро оғознамуда, қайд кард, ки Пешвои миллат зимни Паёмашон изҳор доштаанд, ки «Мо дар сатҳи Конститутсия ба ҷомеаи ҷаҳон эълон доштем, ки халқи Тоҷикистон озодӣ ва ҳуқуқи шахсро арзиши олӣ шуморида, баробарҳуқуқӣ вадӯстии тамоми миллату халқиятҳоро эътироф мекунад ва ҷонибдорибунёди ҷомеаи адолатпарвар мебошад». Қобили зикр аст, ки пешбурд ва татбиқи сиёсати давлатии Ҷумҳурии Тоҷикистон дар соҳаи ҳифзи муҳитизистазКонститутсияи ҶумҳурииТоҷикистон сарчашма мегирад. Дар моддаи 13-и Конститутсия омадааст: «Замин, сарватҳои зеризаминӣ, об, фазои ҳавоӣ, олами набототу ҳайвонот ва дигар боигарии табиӣ истиснои давлат мебошанд ва давлат истифодаи самараноки онҳоро ба манфиати халқ кафолат медиҳад». Тибқи моддаи 44 Конститутсияи ҶТ«Ҳифзитабиат, ёдгориҳои таърихиву фарҳангӣ вазифаи ҳар як шахс аст». Сипас сармутахассис оид ба ҳуқуқи сарраёсат оиди Конститутсия ки асосан шиносномаи давлату миллат ба ҳисоб рафта, дар он номи давлат, сохти давлатдорӣ ва сохтори он нишон дода мешавад, суханронӣ намуд. Мавсуф қайд намуд, ки дар Конститутсия тамоми меъёрҳои зиндагии ҷомеаи демократӣ, ҳуқуқбунёд ва дунявӣ таҷассум ёфтаанд, ки ҳамаионҳо дар маҷмуъ ҷавобгӯи талаботи замон мебошанд.
05 November 2021
Табрикоти сардори Сарраёсати ҳифзи муҳити зисти вилояти Суғд Ҳакимзода Абдуаҳад Қурбон ба муносибати Рӯзи Конститутсияи Ҷумҳурии Тоҷикистон
- Подробности статьи
- Автор
- Категория News
Сарраёсати ҳифзи муҳити зисти вилояти Суғд бо самимияти беандоза ҳамаи Шумоёнро бо фарорасии санаи муқаддаси миллат – Рӯзи Конститутсияи Ҷумҳурии Тоҷикистон табрику таҳният мегӯяд. Боиси хушбахтӣ ва сарфарозии ҳар як шаҳрванди Тоҷикистон аст, ки 6 ноябри соли 1994 тавассути райпурсии умумихалқии Конститутсияи Тоҷикистони соҳибистиқлол қабул гардид. Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, мӯҳтарам Эмомалӣ Раҳмон тавонистанд, ки Тоҷикистонро дар саросари олам бо Конститутсия рукнҳои созандаи мардуми заҳматпешаю меҳмоннавоз, бо табиати зебою афсонавӣ, обҳои зулол, кӯҳҳои осмонбӯс ва сиёсати сулҳҷӯёнаашон маълуму машҳур гардонида, таъкид намудаанд: «Конститутсияи Тоҷикистон ҳамчун ифодагари азму ирода, равшангари роҳи ҳаёти мардум воқеан санади тақдирсозест, ки низоми давлатдориро муайян намуда, ҳифзи ҳуқуқу озодиҳои инсон ва шаҳрвандро таъмин мекунад».Дар ин ҷашни таърихӣ бо як ҷаҳон шукргузорӣ ба Шумо сиҳатмандии комил, осмони софу беғубор, саодатмандию сарбаландии рӯзгорро таманно намуда, дар фаъолияти пурмаҳсулу пуршарафатон ва рушду нумӯи кишвари азизамон пирӯзиҳои рӯзафзунро орзу менамоем. Ҷашни муқаддас муборак!
28 October 2021
Баргузории вохӯрӣ ва аксияи экологӣ дар ноҳияи Б.Ғафуров
- Подробности статьи
- Автор
- Категория News
Тибқи нақшаи пешбинигардида, санаи 26 октябри соли 2021 дар ноҳияи Б.Ғафуров аз тарафи Раёсати ҳифзи муҳити зисти вилояти Суғд якҷоя бо Ташкилоти ҷамъиятии «Сафӣ» дар доираи татбиқи лоиҳаи «Ҷаҳон бидуни маҳсулоти пластикӣ», ки аз ҷониби ташкилоти байналхалқии Юнисеф дастгирӣ карда мешавад, вохӯрии иттилоотӣ дар толори бинои ҷамоати шаҳраки Ғафурови ноҳия ва аксияи «Ояндаи бидуни пластикӣ» дар бозори марказии ҶДММ «Фаровон» баргузор гардид. Дар вохӯрии иттилоотӣ омӯзгорону хонандагони ҶДММ «Коллеҷи тиббии ноҳияи Б.Ғафуров» ва намояндагони ҷамоати шаҳрак иштирок доштанд. Намояндаи Раёсати ҳифзи муҳити зисти вилоят баромад карда, доир ба зарари маҳсулоти пластикӣ ва ташкили коргоҳҳои коркарди чунин партовҳо маълумоти муфассал пешкаши иштирокдорон намуд. Ҳамзамон зикр гардид, ки татбиқи лоиҳаи мазкур бо мақсади паст намудани таъсири зарари маводи пластикӣ ба саломатии инсон ва умуман ба ҷомеа роҳандозӣ гардидааст. Дар навбати худ роҳбари ТҶ «Сафӣ» оид ба мақсади асосии лоиҳа, минбаъд ба роҳ мондани истеҳсоли халтаҳои қоғазӣ ва аз матоъ сухан карда қайд намуд, ки татбиқи лоиҳа барои коҳиш ёфтани партовҳои пластикӣ, хусусан халтаҳои полиэтиленӣ имкон медиҳад.
26 October 2021
Озмуни «Тирамоҳи заррин» дар шаҳри Панҷакент
- Подробности статьи
- Автор
- Категория News
Бахшида ба "Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф”, солҳои 2020-2040 дар Маркази таҳсилоти иловагии шаҳри Панҷакент озмуни шаҳрии «Тирамоҳи заррин» гузаронида шуд. Дар озмун муассисаҳои таълимии шаҳр бо гӯшаҳои ба намоиш гузоштаи худ ширкат варзиданд. Мактаббачаҳо гӯшаҳои худро бо нозу неъматҳои фасли тирамоҳи заррин, аз қабили сабзавоту меваҷот, ғалладонаҳо, меваҳои хушк, мусаввараҳо, аксҳои ранга, маводи дастисохт, расмҳои бо ғалладонаҳо тасвиркардаву бо ресмонҳо кашидашуда оро дода буданд. Озмуни «Тирамоҳи заррин» бо суханони ифтитоҳии директори Маркази таҳсилоти иловагии № 1-и шаҳри Панҷакент оғоз гардида, дар бораи ҳадафи баргузории озмун, шартҳои он ва ҳайати ҳакамон муаррифӣ карда шуд. Озмун аз рӯи 5 шарт: ташкили намоишгоҳ, истифодаи маводи табиӣ, намунаҳо аз гербарияҳо, суратҳои ранга, маводи видеоӣ оид ба корҳои иҷрошудаи гуруҳи нозирони сабз, саволу ҷавоб (викторина) аз фанҳои табиатшиносӣ ва ҳимояи рисолаву рефератҳои хонандагон дар мавзӯи муҳити зист ва экология гузаронида шуд.
21 October 2021
Амалиёти “Ҳавои тоза” дар шаҳри Исфара
- Подробности статьи
- Автор
- Категория News
Баҳри иҷрои нақшаи корӣ, бо мақсади кам намудани ихроҷи моддаҳои зараровар ба ҳавои атмосфера ва беҳтар намудани вазъи экологӣ аз тарафи кормандони бахши ҳифзи муҳити зисти шаҳр дар шоҳроҳи Хуҷанд – Исфара дидбонгоҳи “Нурафшон” амалиёти «Ҳавои тоза» гузаронида шуд. Дар амалиёт 35 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ (дизелӣ, бензин ва гази моеъ) муайян гардид. Нисбати ронандагони 3 адад воситаҳои нақлиёти автомобилие, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ кардаанд, протоколҳои ҳуқуқвайронкунии маъмурӣ тартиб дода шуда, барои чораандешӣ ба БДА-и шаҳр ирсол карда шуд.
Амалиёти “Ҳавои тоза” дар шоҳроҳи Хуҷанд – Б.Ғафуров
- Подробности статьи
- Автор
- Категория News
Бо мақсади кам намудани ихроҷи моддаҳои зараровар ба ҳавои атмосфера ва беҳбудии муҳити зист дар асоси нақшаи кории Раёсат кормандони шуъбаи назорати давлатии истифода ва ҳифзи ҳавои атмосфера ва назорати таҳлил бо ҳамкории шуъбаи милитсияи экологӣ ва сайёҳии ВКД ҶТ дар вилояти Суғд дар шоҳроҳи Хуҷанд – Б.Ғафуров амалиёти «Ҳавои тоза» гузарониданд. Рафти амалиёт зиёда аз 50 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ (дизелӣ, бензин ва гази моеъ) муайян гардид. Нисбати ронандагони 4 адад воситаҳои нақлиёти автомобилие, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ кардаанд, протоколҳои ҳуқуқвайронкунии маъмурӣ тартиб дода шуда, барои чораандешӣ ба БДА-и шаҳру ноҳияҳои вилоят ирсол карда шуд. Амалиёти мазкур тариқи телевизионҳои шабакаи якум ва “Синамо” наворбардорӣ карда шуд.
19 October 2021
Семинар доир ба «Иттилоотонии роҳҳои татбиқи «Барномаи давлатии маҷмуии рушди тарбия ва маърифати экологии аҳолии Ҷумҳурии Тоҷикистон дар солҳои 2021-2025»
- Подробности статьи
- Автор
- Категория News
Дар маҷлисгоҳи меҳмонхонаи «Парламент»-и шаҳри Хуҷанд давоми ду рӯз бо иқдоми Кумитаи ҳифзи муҳити зисти назди Ҳукумати Ҷумҳурии Тоҷикистон семинари омўзишӣ таҳти унвони «Иттилоотонии роҳҳои татбиқи «Барномаи давлатии маҷмуии рушди тарбия ва маърифати экологии аҳолии Ҷумҳурии Тоҷикистон дар солҳои 2021-2025» баргузор гардид. Дар семинар масъулони татбиқи Барномаи мазкур, аз ҷумла намояндагони раёсатҳои маориф, тандурустӣ, кор бо ҷавонон ва варзиш, сайёҳӣ, кор бо занон ва оила, КҲФМГ, устодони донишкадаву донишгоҳ, воситаҳои ахбори омма иштирок доштанд. Рафти семинар сардори Маркази ахбори экологии Кумитаи ҳифзи муҳити зисти назди Ҳукумати Ҷумҳурии Тоҷикистон Тиллоева Г., намояндаи САҲА М.Камарова, коршиносон С.Содиқова ва О. Шарипова, роҳбари Ташкилоти ҷамъиятии «Гурӯҳи ҷавонон оид ба муҳити атроф» – Маркази Орхус дар шаҳри Хуҷанд Мамадов И., намояндагони раёсати маориф, донишгоҳ ва донишкада, раёсати ҳифзи муҳити зисти вилоят вобаста ба татбиқ ва паҳлуҳои гуногуни «Барномаи давлатии маҷмуии рушди тарбия ва маърифати экологии аҳолии Ҷумҳурии Тоҷикистон дар солҳои 2021-2025» баромадҳо намуданд.
13 October 2021
Фаъолияти 9-моҳаи Раёсати ҳифзи муҳити зисти вилояти Суғд натиҷагирӣ гардид
- Подробности статьи
- Автор
- Категория News
Санаи 12 октябри соли равон дар Маркази бозомӯзии Раёсат дар шаҳри Гулистон ҷаласаи мақомоти ҳифзи муҳити зист оид ба ҷамъбасти фаъолият дар нӯҳ моҳи соли 2021 ва вазифаҳои минбаъда баргузор гардид. Дар ҷаласа муовини Раиси вилоят Зариф Назирӣ , сардори Раёсат Абдуаҳад Ҳакимзода, сардорони шуъбаҳои назоратӣ сардорони шуъбаҳо ва мудирони бахшҳои ҳифзи муҳити зисти шаҳру ноҳияҳо иштирок доштанд. Рафти ҷаласа ҳисоботи муовини сардори Раёсат оид ба ҷамъбасти фаъолият дар нӯҳ моҳи соли равон шунида шуд. Муовини Раиси вилоят Зариф Назирӣ ва сардори Раёсат Абдуаҳад Ҳакимзода аз роҳбарони зерсохторҳо дар шаҳру ноҳияҳо ва сардорони шуъбаҳои назоратии Раёсат пурсиш ба амал оварда, барои ислоҳи камбудиҳои ҷойдошта, беҳтар намудани вазъи экологӣ ва пешрафти фаъолияти минбаъда дастуру супоришҳо доданд. Ҳамчунин баҳри тозаву обод нигоҳ доштани муҳити зист, вусъат бахшидан ба корҳои ободониву созандагӣ ва бо нишондиҳандаҳои назаррас ҷамъбаст намудани фаъолият дар соли 2021 қайд карда шуд.
08 October 2021
Забони модарӣ - асоси ҳувияту худшиносии миллӣ
- Подробности статьи
- Автор
- Категория News
Баҳри иҷрои барқияи Кумитаи ҳифзи муҳити зисти назди Ҳукумати Ҷумҳурии Тоҷикистон, бахшида ба Рӯзи забони давлатӣ дар шуъбаи ҳифзи муҳити зисти шаҳри Хуҷанд маҷлиси тантанавӣ бо иштироки кормандон ва омӯзгори коллеҷи омӯзгории МДТ Донишгоҳи давлатии Ҳуҷанд ба номи академик Бобоҷон Ғафуров Тоҷибоева М. баргузор гардид. Сардори шуъбаи ҳифзи муҳити зисти шаҳри Хуҷанд бо суханони ифтитоҳӣ кормандонро бо санаи таърихӣ муборакбод намуда, таъкид намуд, ки дар 30 соли соҳибистиқлолӣ татбиқи сиёсати давлатии забон рушд ёфта, дар Конститутсияи Тоҷикистон ба сифати забони давлатӣ эътироф ва дарҷ гардид. Намояндаи коллеҷи омузгорӣ ҷиҳати татбиқи Қонун «Дар бораи забони давлатии Ҷумҳурии Тоҷикистон»,Қоидаҳои имлои забони тоҷикӣ ва Аломатҳои китобатро, ки бо қарори Ҳукумати Ҷумҳурии Тоҷикистон аз 30 июни соли 2021, № 268 қабул гардидааст, маълумоти муфассал дод. Рафти маҷлис хотиррасон гардид, ки забони тоҷикӣ ифодагари арзишҳои маънавӣ ва ойинаи ибратбахши рӯзгори мардуми тоҷик аст.
Маҷлиси тантанавӣ бахшида ба Рӯзи забони давлатӣ
- Подробности статьи
- Автор
- Категория News
Баҳри иҷрои барқияи Кумитаи ҳифзи муҳити зисти назди Ҳукумати Ҷумҳурии Тоҷикистон бахшида ба Рӯзи забони давлатӣ дар бахши ҳифзи муҳити зисти шаҳри Панҷакент маҷлиси тантанавӣ бо иштироки кормандон ва сармуҳаррири рӯзномаи ноҳиявии «Фарвардин» Солеҳзода Т. баргузор гардид. Мудири бахши ҳифзи муҳити зисти шаҳри Панҷакент маҷлиси тантанавиро оғоз намуда, оид ба қадиму пурғановат ва аҳамияти оламшумул доштани забони тоҷикӣ қайд намуд. Имрӯз бо шарофати сиёсати заковатмандонаи Пешвои муаззами миллат сулҳу амонӣ ва меҳнати бунёдкоронаи хурду калони кишвар, диёри соҳибистиқлоли мо рӯз аз рӯз ободу зеботар гардида, дар ин раванди бунёдкориву созандагӣ забони тоҷикӣ низ таҳкими тоза меёбад. Бояд гуфт, ки забон низ аз барӯмандтарин муқаддасоти миллат буда, онро баробари Ватану Модар эҳтиром бояд кард. Сипас, сармуҳаррири рӯзномаи ноҳиявии «Фарвардин» Солеҳзода Т. баромад намуда, Қоидаҳои имлои забони тоҷикӣ ва Аломатҳои китобатро, ки бо қарори Ҳукумати Ҷумҳурии Тоҷикистон аз 30 июни соли 2021, № 268 қабул гардидааст, фаҳмонида дод. Қайд карда шуд, ки Ҳукумати Тоҷикистон пайваста тадбирҳои иловагиро амалӣ карда истодааст, ки ҳадаф аз онҳо таҳкими бештар бахшидан ба мақоми забони давлатӣ мебошад.