Все статьи
03 February 2022
Санаи экологӣ. 2 феврал – Рузи умумиҷаҳонии заминҳои обиву ботлоқӣ
- Подробности статьи
- Автор
- Категория News
Ҳамасола 2-феврал аз тарафи ҷомеъаи ҷаҳонӣ ҳамчун Рӯзи умумиҷаҳонии заминҳои обию ботлоқӣ (WorldWetlandsDay) таҷлил карда мешавад. Ҳадафи ин ҷашн ҷалби таваҷҷӯҳи ҷомеа ва Ҳукумати кишварҳо ба муаммоҳои заминҳои обию ботлоқӣ мебошад, ки барои рушди устувори сайёра нақши хеле муҳимро иҷро мекунад. Рӯзи умумиҷаҳонии заминҳои обию ботлоқӣ аз соли 1997 инҷониб таҷлил карда мешавад. Соли 1971 дар Эрон Конвенсияи СММ оид ба муҳофизати мавзеъҳои обию ботлоқӣ аз ҷониби 18 кишвар ба имзо расид. Соли 2000 шумораи кишварҳои аъзо ба 119 расид, ки имрӯз бошад 159 кишвар ба узвияти Конвенсияи Ромсар ҳамроҳ гаштаанд. Шумораи мавзеъҳои обию ботлоқие, ки дар таҳти муҳофизат қарор гирифтааст, 1869 адад буда, майдони умумиашон 1836000 (як миллиону ҳашсаду сиву шаш ҳазор) км2-ро ташкил мекунад. Шароитҳои табиии ин мавзеъҳо барои зисти бисёр намуди паррандаҳо, ҳашарот, моҳӣ ва дигар ҳайвонот мувофиқ аст. Инчунин заминҳое, ки ба рӯйхати мавзеъҳои обию ботлоқӣ дохил мешаванд, дорои захираҳои маъданҳои фоиданок мебошанд.
Амалиёти “Ҳавои тоза” дар шоҳроҳи Хуҷанд – Бобоҷон Ғафуров
- Подробности статьи
- Автор
- Категория News
Тибқи нақшаи корӣ ва бо мақсади кам намудани ихроҷи моддаҳои зараровар ба ҳавои атмосфера аз тарафи мутахассисони шуъбаи назорати давлатии истифода ва ҳифзи ҳавои атмосфераи Сарраёсати ҳифзи муҳити зист дар ҳамкорӣ бо кормандони шуъбаи милитсияи экологӣ ва сайёҳии ВКД Ҷумҳурии Тоҷикистон дар вилояти Суғд дар шоҳроҳи Хуҷанд - Б.Ғафуров амалиёти «Ҳавои тоза» баргузор гардид. Дар рафти амалиёт барои муайян намудани миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ (дизелӣ, бензин ва гази моеъ) 35 адад нақлиёти автомобилии тамғааш гуногун аз санҷиши аналитикӣ гузаронида шуд. Дар натиҷаи гузаронидани санҷиш нисбати ронандаи 1 адад воситаи нақлиёт, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба ҳавои атмосфера барзиёд ихроҷ кардаанд, протоколи ҳуқуқвайронкунии маъмурӣ тартиб дода шуд. Рафти амалиёт тариқи телевизиони “Ҷаҳоннамо” ба навор гирифта шуд.
27 January 2022
Аксияи «Тозагии маҳал» дар шаҳри Истиқлол
- Подробности статьи
- Автор
- Категория News
Баҳри иҷрои нақшаи корӣ, бо мақсади тозаву обод нигоҳ доштани муҳити атроф, баланд бардоштани маърифати экологӣ дар муассисаи таълимии миёнаи умумии № 5-и шаҳри Истиқлол аксияи «Тозагии маҳал» гузаронида шуд. Дар аксия омӯзгорон ва хонандагони муассиса фаъолона иштирок намуда, гирду атрофи муассиса аз партовҳои гуногун тоза карда шуд. Гузаронидани чунин аксияҳои экологӣ дар дигар муассисаҳои таълимӣ низ пешбинӣ гардидааст.
Аксияи «Тозагии маҳал» дар шаҳри Гулистон
- Подробности статьи
- Автор
- Категория News
Бо мақсади тозаву обод нигоҳ доштани муҳити зист, баланд бардоштани маърифати экологӣ дар шаҳри Гулистон аксияи «Тозагии маҳал» баргузор гардид. Дар чорабинӣ намояндагони муассисаҳои маориф, фарҳанг, тандурустӣ, мактаби варзишӣ, коллеҷи тиббӣ, шабакаҳои барқии Суғд, ҶСК "Қолинҳои Қайроққум" ва дигар соҳаҳои хоҷагии халқи шаҳр зиёда аз 500 нафар фаъолона иштирок доштанд. Рафти аксия гирду атрофи корхонаву муассисаҳо ва мавзеъҳои истироҳатӣ пурра тоза карда шуда, 8,2 м 3 партов бароварда шуд.
Маъракаи ниҳолшинонӣ дар ноҳияи Ашт
- Подробности статьи
- Автор
- Категория News
Корҳои ободониву кабудизоркунӣ дар ноҳияи Ашт низ оғоз ёфта, дар ҷамоати Ошобаи ноҳияи Ашт зиёда аз 250 бех дарахтони сояафкан, ҳамешасабзу ороишӣ шинонида шуд. Бино ба маълумоти бахши ҳифзи муҳити зисти ноҳия дар ин маърака 300 нафар сокинон фаъолона иштирок намуда, баҳри иҷрои нақшаи ниҳолшинонӣ, кабудизоркунӣ ва беҳдошти муҳити зист дар дигар ҷамоату минтақаҳо шинонидани ниҳолу кабудизоркунӣ пешбинӣ карда шудааст.
26 January 2022
Ташвиқи Паёми Пешвои миллат дар муассисаи таълимии ш.Истиқлол
- Подробности статьи
- Автор
- Категория News
Баҳри иҷрои барқияи Сарраёсати ҳифзи муҳити зист дар вилояти Суғд, дар асоси нақша чорабинии бахш дар Муассисаи таълимии миёнаи умумии №1 шаҳри Истиқлол омӯзиши нуктаҳои асосии Паёми Асосгузори сулҳу ваҳдати милли Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон "Дар бораи самтҳои асосии сиёсати дохиливу хориҷии Ҷумҳурии Тоҷикистон" ки санаи 21.12.2021 ба Маҷлиси Олии ҶТ қироат гардид, ташкил ва гузаронида шуд. Корманди бахши ҳифзи муҳити зисти шаҳри Истиқлол ба хонандагон Паёми навбатии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмонро шарҳ дода, аз он ҷумла дар бораи тағйирёбии иқлим, дигар масъалаҳои вобаста ба ҳифзи муҳити зистро маънидод намуд.
Ташвиқи Паём дар Коллеҷи омӯзгории МДТ Донишгоҳи давлатии Хуҷанд ба номи академик Бобоҷон Ғафуров
- Подробности статьи
- Автор
- Категория News
Бо мақсади фаҳмонидани муҳтавои Паёми Асосгузори сулҳу ваҳдати миллӣ–Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон «Дар бораи самтҳои асосии сиёсати дохиливу хориҷии Ҷумҳурии Тоҷикистон», дар асоси нақшаи корӣ дар Коллеҷи омӯзгории МДТ Донишгоҳи давлатии Хуҷанд ба номи академик Б.Ғафуров вохӯрӣ гузаронида шуд. Дар вохӯрӣ кормандони шуъбаи ҳифзи муҳити зисти ш.Хуҷанд, муовини директори коллеҷ Азизов Н.Э. ва донишҷӯёни коллеҷ иштирок доштанд. Корманди шуъбаи ҳифзи муҳити зист оид ба нуктаҳои асосии Паёми Пешвои миллат, дастовардҳо ва заҳмату талошҳои Сарвари давлат ба хотири ҳифзи истиқлолияту озодии Тоҷикистон, ҳамчунин тағйирёбии иқлим ва дигар масъалаҳои ҳифзи муҳити зист баромад намуд. Ҳамчунин баҳри татбиқи «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021 - 2025» ва баланд бардоштани маърифати экологии ҷавонон таъкид карда шуд.
Оғози маъракаи ниҳолшинонӣ дар ноҳияи Бобоҷон Ғафуров
- Подробности статьи
- Автор
- Категория News
Бо мақсади дар сатҳи баланд гузаронидани корҳои ниҳол-шинонӣ, кабудизоркунӣ ва солим гардонидани муҳити зист, дар асоси нақшаи кории мақомоти ҳифзи муҳити зист, иҷрои нақша чорабиниҳои тасдиқ намудаи мақомоти иҷроияи ҳокимияти давлатии ноҳияи Бобоҷон Ғафуров дар ҳудуди ҷамоати деҳоти Д.Холматови ноҳия маъракаи кабудизоркунӣ гузаронида шуд. Чорабинӣ бо иштироки аҳолии ҷамоати деҳот гузаронида шуда, дар шоҳроҳи Хуҷанд - Ашт 250 бех дарахтони ороишиву ҳамешасабз шинонида шуд. Рафти маъракаи ниҳолшинонӣ аз тарафи телевизиони вилояти Суғд ба навор гирифта шуд.
24 January 2022
Ташвиқи Паём дар муассисаи таълимии ноҳияи Бобоҷон Ғафуров
- Подробности статьи
- Автор
- Категория News
Тибқи нақшаи кории мақомоти ҳифзи муҳити зист, бо мақсади шарҳи мазмуни Паёми навбатии Пешвои миллат, Президенти кишвар муҳтарам Эмомалӣ Раҳмон ба Маҷлиси Олии Ҷумҳурии Тоҷикистон дар муассисаи тахсилоти миёнаи умумии № 9 ҷамоати деҳоти Исмоил-и ноҳияи Бобоҷон Ғафуров вохӯрӣ бо омӯзгорон гузаронида шуд. Мутахассиси бахши ҳифзи муҳити зисти ноҳия зимни вохӯрӣ оид ба нуктаҳои Паём, аз ҷумла масъалаҳои экологӣ ва тағйирёбии иқлим, дар руҳияи ватандустӣ тарбия намудани насли наврас суханронӣ намуд. Ҳамчунин доир ба қабул гардидани «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021 - 2025», татбиқи нақша чорабиниҳои он, ки барои ҳидоят намудани мактаббачагон ба ҳифз ва дӯст доштани табиати кишварамон мусоидат менамояд, таъкид карда шуд.