Рӯзи 4 октябр дар бисёрии давлатҳои дунё – Рӯзи байналхалқии ҳайвонот қайд карда мешавад. Ин санаи таърихии экологӣ буда, аввалин маротиба дар Конгресси байналхалқии тарафдорони ҳаракати ҳифзи табиат, ки дар шаҳри Флоренсияи давлати Итолиё соли 1931 баргузор шуда буд, қарор қабул  карда шудааст. Ин сана беҳуда 4 октябр кабул нашудааст, зеро ин рӯз ҳамчун рӯзи хотираи католики муқаддас Франсиско Ассиск мебошад, ки ӯро ҳамчун сарпарастори олами ҳайвонот маҳсуб мешуморанд. Ба муносибати ин рӯз дар бисёрии масҷидҳои давлатҳои католики башарият хизматрасонӣ карда мешавад. Инчунин бахшида ба ин рӯз дар аксарияти давлатҳои дунё чорабиниҳои гуногуни оммавӣ гузаронида мешавад.

Ин беҳуда нест, зеро дар рӯи замин намудҳои гуногуни ҳайвонот ҳаёт ба сар мебаранд, ки барои инсон аҳамияти калон доранд.

Дар осоишгоҳи Баҳористони шаҳри Гулистон бо ибтикори Internewsбарои мураббиён дар чаҳорчӯбаи лоиҳаи «Васоити ахбори умум барои инъикоси масъалаҳои муҳити зист ва захираҳои табиӣ дар Осиёи Марказӣ» аз санаи 29 сентябр то 3 октябри соли равон машваратҳо баргузор гардид. Зимнан дар он мавзӯоти сиёсати байналмилалӣ ва миллӣ дар соҳаи ҳифзи муҳити зист ва захираҳои табиӣ, журналистикаи мултимедиавӣ усулҳои нави додани иттилоот мавриди баррасӣ   қарор дода шуд.

 Дар Маркази бозомӯзии Раёсат дар шаҳри Гулистон бо иштироки раиси комиссияи экологии Маҷлиси намояндагони Маҷлиси Олии Ҷумҳурии Тоҷикистон Рустам Латифзода, намояндагон аз Кумитаи ҳифзи муҳити зисти назди Ҳукумати Ҷумҳурии Тоҷикистон Ҷ.Халилов ва Н.Назирова баррасии лоиҳаи Қонуни Ҷумҳурии Тоҷикистон «Дар бораи арзёбии таъсиррасонӣ ба муҳити зист» доир гардид. Дар рафти муҳокима аз тарафи меҳмонон маълумоти мукаммал дар бораи лоиҳаи қонун пешниҳод гардида, аз тарафи мутахассисони Раёсат ба баъзе моддаҳо таклифҳо пешниҳод карда шуда, дар мӯҳлати муайянгашта пешкаши шакли хаттии он тавсия гардид.

Раёсати ҳифзи муҳити зисти вилоят ҷиҳати таҷлили сазовори 25-солагии Истиқлолияти давлатии Ҷумҳурии Тоҷикистон эълон гардидани соли 2016 – Соли фарди солим ва бо мақсади беҳтар намудани ҳолати экологӣ, тозаву обод нигоҳ доштани муҳити зист дар якҷоягӣ бо зерсохторҳои худ дар шаҳру ноҳияҳо як қатор корҳоро ба сомон расонид. Санаи 27 август ва 3 сентябри соли равон дар шаҳру ноҳияҳои вилоят бо иштироки зиёда аз 98,7 ҳазор нафар кормандони ташкилоту муассисаҳо, аҳолии ҷамоатҳо ҳашари оммавӣ баргузор гардид. Дар ҷараёни аксияҳои «Тозагии маҳал», «Тозагии соҳил» ва «Тозагии роҳ» дар маҷмӯъ 746,6 тн партовҳо бароварда, беш аз 103 км  каналу ҷӯйборҳо тоза карда шуд. Инчунин, дар рафти ҳашар сафед кардани биноҳо дар масоҳати 5,3 ҳазор м², 8,3 ҳазор бехи дарахтон сафед карда, зиёда аз 16,3 км соҳили манбаҳои обро аз партовҳо тоза намуданд.