Все статьи

25 Май 2021

Шиносоии кормандони Раёсат аз рафти марҳилаи наслгирии сунъии моҳиҳо

Подробности статьи: Автор; Категория Навидҳо

Таъмин намудани иҷрои дастуру супоришҳои Раиси Кумитаи ҳифзи муҳити зисти назди Ҳукумати Ҷумҳурии Тоҷикистон оид ба ҳифз ва афзун намудани захираҳои моҳӣ зери назорати доимии коршиносону мутахассисони Раёсати ҳифзи муҳити зисти вилояти Суғд қарор дорад. Дар рафти шиносоии навбатӣ аз ҶДММ "Корпоратсияи моҳии тоҷик" маълум гардид, ки хоҷагии моҳипарварии моҳиҳои хушзоти марҳилаи наслгирии сунъии моҳиҳоро оғоз намуданд. Айни ҳол тухми моҳиҳо, кирминаи нав аз тухм баромадаи зағорамоҳӣ ва амури сафед дар марҳилаи афзоиш қарор доранд. Марҳилаи босифати наслгирии моҳиҳо ба барориши бештари кирминамоҳичаҳо мусоидат менамояд. Омилҳои абиотикӣ, ба монанди ҳарорати обу ҳаво ба рафти корҳои наслгирӣ таъсири худро расонида истода бошад ҳам, моҳипарварон тасмим гирифтаанд, ки нақшаи истеҳсоли наслгирии моҳиҳоро бо натиҷаҳои назаррас анҷом диҳанд.

21 Май 2021

22 май - Рӯзи байналмиллалии гуногунии биологӣ

Подробности статьи: Автор; Категория Навидҳо

Дар даҳсолаи охир масъалаҳои нигаҳдории гуногунии биологӣ яке аз муаммоҳои глобалии замони муосир маҳсуб меёбад, ки на танҳо олимон, балки тамоми ҷомеаи ҷаҳониро ба ташвиш овардааст. Вазъи имрӯзаи нигаҳдории гуногунии биологиро ба эътибор гирифта 22 майи соли 1992 дар конфронси СММ доир ба ҳифзи зист ва рушд, ки дар Рио-де–Жанейро баргузор шуда буд, Конвенсия доир ба гуногунии биологӣ қабул карда шуд. Ҷумҳурии Тоҷикистон ҳамчун аъзои соҳибҳуқуқи ҷомеаи ҷаҳонӣ онро соли 1997 тасдиқ намуда ӯҳдадории худро дар доираи Конвенсия қабул кард. Муаммоҳои нигаҳдории гуногунии биологӣ ва устуворона истифодабари он яке аз равандҳои баҳсу талош ва оштинопазирӣ дар конфронсҳои байналмиллалӣ, симпозиумҳо ва ҷаласаҳо маҳсуб меёбад. Аз ин лиҳоз, бо ташаббуси Академияи илмҳои Ҷумҳурии Тоҷикистон дар солҳои охир ба ин масъала аҳамияти ҷиддӣ дода, мунтазам конфронсҳои Байналмиллали гузаронида мешавад.

Ҷамъбасти озмуни экологии «Сабз бодо кишварам» дар шаҳри Хуҷанд

Подробности статьи: Автор; Категория Навидҳо

Дар муассисаи таълимии миёнаи умумии № 23 шаҳри Хуҷанд озмуни шаҳрии «Сабз бодо кишварам» бо иштироки кормандони шуъбаи ҳифзи муҳити зист ва шуъбаи маорифи шаҳр ҷамъбаст карда шуд. Озмуни «Сабз бодо кишварам» дар асоси фармоишҳои Раиси Кумитаи ҳифзи муҳити зисти назди Ҳукумати Ҷумҳурии Тоҷикистон ва сардори Раёсати ҳифзи муҳити зисти вилояти Суғд гузаронида шуда, ба 30 солагии Истиқлолияти давлатии Ҷумҳурии Тоҷикистон ва ташвиқи моҳияти Даҳсолаи байналмилалии амал «Об барои рушди устувор ва Рӯзи умумиҷаҳонии муҳити зист – 5 июн роҳандозӣ гардидааст. Дар озмун муассисаҳои таълимии миёнаи умумии шаҳр аз рӯи 6 номинатсия: «Расми беҳтарин», «Шеъри беҳтарин», «Сурати беҳтарин», «Ҳикояи беҳтарин», «Видеоролики беҳтарин», «Кори меъмории беҳтарин» маводҳои худро пешниҳод намуданд.

17 Май 2021

Иштироки кормандони Раёсати ҳифзи муҳити зисти вилояти Суғд дар Дави миллӣ

Подробности статьи: Автор; Категория Навидҳо

Бо мақсади иҷрои Фармони Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон аз 28 марти соли 2007 ҳамасола дар саросари мамлакат Дави миллӣ доир карда мешавад. Санаи 16 май дар маркази вилоят шаҳри Хуҷанд бо иштироки беш аз 12 ҳазор намояндагони касбу кори гуногун Дави миллӣ баргузор гардид, ки дар он кормандони мақомоти ҳифзи муҳити зисти вилоят низ фаъолона ширкат варзиданд. Чорабинии мазкур аз хиёбони Раҳим Ҷалил оғоз гардида, то майдони назди Парчами миллӣ идома ёфт. Ҳадаф аз баргузории ин чорабинии варзишӣ тарғибу ташвиқи тарзи ҳаёти солим ва оммавӣ намудани он байни аҳолӣ маҳсуб меёбад.

15 май - Рӯзи байналмилалии иқлим

Подробности статьи: Автор; Категория Навидҳо

Дар солҳои охир масъалаи тағйирёбии иқлим таваҷҷӯҳи ҷомеаи ҷаҳониро фаро гирифтааст. Зеро тағйирёбии иқлим ба муҳити зист низ таъсири манфии худро мерасонад. Бори аввал масъалаи тағйрёбии иқлим дар сатҳи ҷаҳонӣ соли 1992 дар Саммити Замин дар Рио де-Жанейро баррасӣ шуд. Зиёда аз 180 кишвари ҷаҳон, аз ҷумла Русия ва кишварҳои собиқи ИҶШС Конвенсияи чаҳорчӯбаи СММ оид ба тағирёбии иқлимро имзо карданд. Саволе пайдо мешавад, ки кадом омилҳо боиси тағйирёбии иқлим мегардад? Иқлимшиносон яке аз сабабҳои пайдоиши тағйирёбии иқлимро дар кураи замин ба хориҷшавии газҳои парникӣ нисбат медиҳанд.

12 Май 2021

Аёдати собиқадорони соҳа бахшида ба Иди саиди Фитр

Подробности статьи: Автор; Категория Навидҳо

Тибқи дастуру ҳидоятҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аёдати собиқадорони соҳа дар арафаи ҷашну идҳои миллӣ аз ҷониби мақомоти ҳифзи муҳити зисти вилоят ба ҳукми анъана даромадааст. Дар арафи Иди саиди Фитр собиқ сардорони Раёсат, ки ҳоло дар нафақаанд – Султонов А.А. ва Умаров Н.У., собиқадорони соҳа, ки солҳои тӯлонӣ дар соҳаи ҳифзи муҳити зист фаъолият кардаанд – Абдувалиев А.К., Тӯхтабоев Ю., Нуралиев Ё. (Деваштич), Шукуров О. (Деваштич), Болтуев Д. (Б.Ғафуров), Ҳакимхӯҷаева Ф., Нурматова М., Турсунова М., Садриддинова С., Амонов А. (Конибодом), Халилзода Ш. (Айнӣ), Шодиев Т. (Зафаробод), аёдат карда шуда, ба онҳо кӯмаки моддию молиявӣ расонида шуд.

Табрикоти сардори Раёсати ҳифзи муҳити зисти вилояти Суғд Ҳакимзода А.Қ. ба муносибати Иди саиди Фитр

Подробности статьи: Автор; Категория Навидҳо

Ҳамаи Шумоёнро бо арзи эҳтирому самимияти афзун ба муносибати фаро расидани Иди саиди Фитр табрик ва муборакбод намуда, зиндагии босаодат, файзу баракати рўзгор ва зеботарин сарнавиштро орзу менамоям. Шукрона мегўем, ки бо шарофати Истиқлолият ва соҳибихтиёрии Ватани азизамон суннатҳои мардумӣ ва мазҳабии худро озодона таҳлилу риоя менамоем. Иди саиди Фитр яке аз суннатҳои муҳимтарини маънавии мардуми мусулмони мо ва нишонаи эҳтирому гиромидошти ойини деринаи халқамон бар пояи мазҳаби ҳанафия ба шумор рафта, аз баракати истиқлолияти давлатӣ дар қатори дигар ҷашну маросимҳои милливу мардумӣ дар кишвари мо таҷлил мегардад. Бори дигар ҳар яки шумо ва аҳли оилаву пайвандонатонро ба муносибати фаро расидани Иди саиди Фитр табрик гуфта, бароятон саломатӣ, сулҳу амонӣ, бахту саодатро таманно менамоям.

11 Май 2021

Барқарорсозии хонаҳои осебдида дар шаҳри Исфара

Подробности статьи: Автор; Категория Навидҳо

Бар асари даргириҳои охири моҳи апрели соли ҷорӣ як қисми хонаҳои истиқоматии сокинони деҳаи Сомониёни ҷамоати деҳоти Чоркўҳи шаҳри Исфара хароб ва осеб дида буд. Бо дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон хонаҳои мазкур бо пуррагӣ бунёду барқарорсозӣ карда мешаванд. Бо супориши мақомоти иҷроияи ҳокимияти давлатии вилояти Суғд аз тарафи Раёсати ҳифзи муҳити зист якҷоя бо зерсохторҳо як хона, ки дар он ҷо ду оила зиндагӣ мекард пурра аз навсозӣ мегардад. Дар айни ҳол корҳои сохтмонӣ оғоз гардида, дар давоми як моҳ ба итмом расонида мешаванд. Ҳамзамон, пас аз сохтмон бо лавозимотҳои зарурӣ низ хонаи нав таъмин карда мешавад.

Ҷамъбасти озмуни ноҳиявии «Сабз бодо кишварам» дар ноҳияи Ҷаббор Расулов

Подробности статьи: Автор; Категория Навидҳо

Дар муассисаи таълимии миёнаи умумии № 6 ҷамоати деҳоти Ғулакандози ноҳияи Ҷаббор Расулов озмуни ноҳиявии «Сабз бодо кишварам» бо иштироки кормандони бахши ҳифзи муҳити зист ва шуъбаи маорифи ноҳия ҷамъбаст карда шуд. Озмуни «Сабз бодо кишварам» дар асоси фармоишҳои Раиси Кумитаи ҳифзи муҳити зисти назди Ҳукумати Ҷумҳурии Тоҷикистон ва сардори Раёсати ҳифзи муҳити зисти вилояти Суғд гузаронида шуда, ба 30 солагии Истиқлолияти давлатии Ҷумҳурии Тоҷикистон ва ташвиқи моҳияти Даҳсолаи байналмилалии амал «Об барои рушди устувор, 2018-2028», «Солҳои рушди деҳот, сайёҳӣ ва ҳунарҳои мардумӣ 2019-2021» бахшида шудааст.

08 Май 2021

10 май - Рӯзи умумиҷаҳонии парандаҳои муҳоҷир

Подробности статьи: Автор; Категория Навидҳо

Рӯзи умумиҷаҳонии парандаҳои муҳоҷир (WMBD) аз соли 1993 инҷониб бо дархости парандашиносони (орнитологҳои) ташхисгоҳи Корнеллии ИМА ҳар рӯзи шанбеи дуюм ва якшанбеи дуюми моҳи май таҷлил мегардад ва асосан дар он ҷо ҷашн гирифта мешавад. Аксарият давлатҳо дар як сол ду маротиба - шанбеи дуюми моҳи май ва шанбеи дуюми моҳи октябр ҷашн мегиранд. Ҳадафи ин сана - ҷалби таваҷҷӯҳи бештари ҷомеа ба тағироти вазъи глобалии экологӣ мебошад, ки ба нобудшавии экосистемаи манзилҳои парандаҳо ҳам дар тобистон ва ҳам дар зимистон мусоидат мекунанд. Инчунин, баргардонидани он шароити табиӣ мебошад, ки барои парандаҳои муҳоҷир ҷиҳати парвариши насл ва муҳоҷират шинос ва қулай мебошанд. Инчунин ба қадри имкон васеътар огоҳ кардани аҳолӣ дар бораи аҳамияти нигоҳ доштани саршумор ва парандаҳои муҳоҷир мебошад.