Все статьи

13 Июнь 2024

Аксияи тозагӣ дар ноҳияи Кӯҳистони Масчоҳ таҳти унвони «Ободию созандагӣ мароми мост»

Подробности статьи: Автор; Категория Новости

11 июни соли равон мувофиқи нақша чорабиниҳои бахши ҳифзи муҳити зист дар ноҳияи Кӯҳистони Мастчоҳ ва бо ташаббуси Мақомоти иҷроияи ҳокимияти давлатии ноҳияи Кӯҳистони Мастчоҳ дар маркази ноҳия - шаҳраки Меҳрон аксияи тозагӣ баргузор гардид. Дар аксияи мазкур беш аз 200 (дусад) нафар кормандони ташкилоту муассисаҳо ва дигар фаъолону аҳли зиё баромада, кӯчаву растаҳо ва гирду атрофи иншоотҳои давлатию ҷамъиятиро тоза намуданд. Куҳистони Мастчоҳ бо манзараҳои дилфиребу табиати биҳиштосояш дар меҳвари таваҷҷуҳи дӯстдорони сайру сайёҳат қарор дорад. Ҳамарӯза дар ин диёр, махсусан дар шаҳраки Меҳрон меҳмонони зиёде рафтуо мекунанд. Аз ин хотир, барои тозаю озода нигоҳ доштани ҳар гӯшаи он, бахусус шароити мусоиди истироҳат муҳайё кардан барои меҳмонону бошандагони маҳаллӣ ҳамвора тадбирҳои судманд мавриди амал қарор мегирад. Ёдовар мешавем, ташаббусҳои мавриди назар аз роҳи сиёсати хирадмандонаи Асосгузори сулҳу ваҳдати миллӣ – Пешвои миллат, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон ба даст омада, дар ноҳияи Кӯҳистони Мастчоҳ вобаста ба истиқболи сазовори ҷашни 35-солагии Истиқлоли давлатии кишвар бобати тозаю озода нигоҳ доштани маҳалҳои аҳолинишин, бунёди иншоотҳои ҳозиразамон, шароити мусоид фароҳам овардан ва сарсабзу хуррам гардонии ҳар гӯшаи он пайваста чунин аксияву шанбегиҳо ва нишасту вохӯриҳои фаҳмондадиҳӣ гузаронида мешавад.

Ҷамъбасти озмуни шаҳрии «Табиат хонаи мост, онро ҳифз бояд кард» дар шаҳри Конибодом

Подробности статьи: Автор; Категория Новости

Бо мақсади дар сатҳи баланд таҷлил намудани Рӯзи байналмилалии муҳити зист, амалӣ намудани нақшаи чорабиниҳои «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021 - 2025» аз тарафи бахши ҳифзи муҳити зист дар шаҳри Конибодом дар ҳамҷоягӣ бо шуъбаи маорифи шаҳр ҷамъбасти озмуни шаҳрӣ таҳти унвони «Табиат хонаи мост, онро ҳифз бояд кард» гузаронида шуд. Озмун аз рӯи се номинатсия “Мақолаи беҳтарин”, “Расми беҳтарин” ва “Мактаби беҳтарин” гузаронида шуда, ба 9 нафар хонандагон - ғолибони озмун сипоснома ва туҳфаҳои хотиравӣ супорида шуд. Ҳамчунин барои ҳамкории доимӣ ва иштироки фаъолонаи хонандагони муассисаҳои таълимии миёнаи умумӣ дар аксияҳои экологӣ мудир ва методисти шуъбаи маорифи шаҳри Конибодом бо сипоснома ва туҳфа кадрдонӣ карда шуд.

06 Июнь 2024

Маҷлиси тантанавӣ бахшида ба Рӯзи байналмилалии муҳити зист дар Сарраёсати ҳифзи муҳити зисти вилоят

Подробности статьи: Автор; Категория Новости

Бахшида ба Рӯзи байналмилалии муҳити зист дар Сарраёсати ҳифзи муҳити зисти вилоят маҷлиси тантанавӣ бо иштироки муовини Раиси вилоят Зариф Мирдадо, намояндаи Кумитаи ҳифзи муҳити зисти назди Ҳукумати Ҷумҳурии Тоҷикистон Исуфов Умаралӣ, кормандони мақомот, собиқадорони соҳа, табиатистифодабарандагон - намояндагони корхонаҳои саноатӣ баргузор гардид. Бо суханони табрикӣ муовини Раиси вилоят Зариф Мирдадо, намояндаи Кумитаи ҳифзи муҳити зисти назди Ҳукумати Ҷумҳурии Тоҷикистон Исуфов Умаралӣ ва сардори Сарраёсати ҳифзи муҳити зист дар вилояти Суғд Холзода Суҳроб Хол ҳозиринро бо Рӯзи байналмилалии муҳити зист муборакбод намуда, қайд намуданд, ки ин рўз барои ҳамаи кормандон, мутахассисон ва алоқамандони соҳаи ҳифзи муҳити зист, дўстдорони табиат, умуман нафароне, ки дар соҳаи ҳифз ва беҳдошти муҳити зист заҳмат мекашанд, рўзи хурсандибахш аст. Зеро Рўзи байналмилалии муҳити зист яке аз санаҳои басо муҳим барои аҳли сайёра ҳисобида шуда, ҳамасола дар кишварҳои гуногуни ҷаҳон зиёда аз 130 давлат ботантана қайд карда мешавад.

Баргузории чорабиниҳои экологӣ бо ҷавонони Ҷумҳурии Ўзбекистон

Подробности статьи: Автор; Категория Новости

Дар доираи Ҳамкории ташкилоти Шанхай соли 2024 ҳамчун «Соли экология» эълон гардида, сифати муносибатҳои Тоҷикистону Ўзбекистон ба дараҷаи ҳамкории стратегӣ баромадааст. Ба ин муносибат Маркази маънавиёт ва маърифати Ўзбекони вилояти Суғд якҷоя бо Маркази дипломатияи халқии Ҳамкории ташкилоти Шанхайи Ўзбекистон, дар шаҳри Хуҷанд гузаронидани аксияи экологии «Сирдарё – дарёи дӯстӣ»-ро ба нақша гирифтааст. Бо ин мақсад аз Ҷумҳурии Ўзбекистон роҳбар ва 2 нафар сармутахассисони Маркази дипломатияи халқии Ҳамкории ташкилоти Шанхайи Ўзбекистон, 3 нафар устодони донишгоҳҳо ва 25 нафар донишҷӯён ба шаҳри Хуҷанд сафар карда, дар давоми як рӯз мутобиқи барномае, ки аз тарафи Сарраёсати ҳифзи муҳити зист дар вилояти Суғд омода гардид дар чорабиниҳо иштирок намуданд. Тибқи барнома суханронии ректор ва олимону устодони Донишгоҳи давлатии Хуҷанд ба номи академик Б.Ғафуров, раиси Ташкилоти ҷамъиятии Маркази маънавиёт ва маърифати Ўзбекони вилояти Суғд, роҳбари Маркази дипломатияи халқии Ҳамкории ташкилоти Шанхайи Ўзбекистон дар толори факултети таърихи донишгоҳи мазкур шунида шуда, инчунин баромадҳои, аз он ҷумла бадеии ҷавонони Ўзбекистон пешкаши донишҷӯён ва устодони донишгоҳ гардид.

04 Июнь 2024

Фестивали якуми «СУҒД – КЛИМАТ - FEST» дар шаҳри Бӯстон

Подробности статьи: Автор; Категория Новости

Бо ташаббус ва ҳамкории Ташкилоти ҷамъиятии «Гурӯҳи ҷавонон оид ба ҳифзи муҳити атроф» бо Сарраёсати ҳифзи муҳити зист дар вилояти Суғд Фестивали якуми «СУҒД – КЛИМАТ - FEST» дар Донишкадаи кӯҳӣ – металлургии Тоҷикистон дар шаҳри Бӯстон баргузор гардид. Дар фестивали мазкур намояндагони мақомоти иҷроияи ҳокимияти давлатии вилоят, сарраёсат, олимон, коршиносон, устодони донишгоҳҳо, ихтирокорони ҷавон ва корхонаҳо, ташкилоти байналхалқию ҷамъиятӣ, донишҷӯён ва намояндагони васоити ахбори омма иштирок доштанд. Чорабинии мазкур ба ҷашни Рӯзи байналмилалии муҳити зист бахшида шуда, дар рафти чорабинӣ суханҳои ифтитоҳии намояндагони мақомоти иҷроияи ҳокимияти давлатии вилоят, Сарраёсати ҳифзи муҳити зист дар вилоят, ректори донишкада ва роҳбари офиси ПРООН дар шаҳри Хуҷанд шунида шуда, намоиши корҳои ихтирокорон ҷиҳати мусоидат ба мутобиқшавии иқлим, презентатсияҳои коршиносону устодон, муаррифии корҳои худ аз ҷониби ихтирокорон, қадршиносии ғолибони озмуни лоиҳаҳои амалӣ доир ба мутобиқшавӣ ба тағйирёбии иқлим ва истифодаи оқилонаи захираҳои табиӣ бо тӯҳфаҳои хотиравӣ ба амал омад.

Таъмини иҷрои талаботи бандҳои нақшаи чорабиниҳои Барномаи давлатӣ

Подробности статьи: Автор; Категория Новости

Дар ноҳияи Ашт, тибқи нақшаи пешбинигардида фаъолияти Комиссияи байниидоравии давлатӣ оид ба маърифати экологии аҳолии мақомоти иҷроияи ҳокимияти давлатии ноҳия аз ҷониби сармутахассиси Сарраёсати ҳифзи муҳити зист дар вилояти Суғд мавриди омӯзиш ва таҳлил қарор дода шуд. Дар натиҷа маводи ҷойдоштаи сохторҳои дахлдор ва 9 ҷамоати шаҳраку деҳот доир ба татбиқи «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021 - 2025» санҷида шуд. Ҳамзамон, дар доираи талаботи бандҳои нақшаи чорабиниҳои татбиқи Барномаи давлатӣ, дар муассисаи таҳсилоти миёнаи умумии №65 ҷамоати шаҳраки Шайдони ноҳияи Ашт бо иштироки сармутахассиси шуъбаи маориф, хонандагон, омӯзгорони фанни экология, биология ва география вохӯрӣ доир гардид.

Табрикоти сардори Сарраёсати ҳифзи муҳити зист дар вилояти Суғд Холзода Суҳроб Хол ба муносибати 5 июн - Рўзи байналмилалии муҳити зист

Подробности статьи: Автор; Категория Новости

Кормандони мақомоти соҳаи ҳифзи муҳити зист ва муҳофизону дӯстдорони табиат ҳар сол санаи 5 июн иди касбии худро қайд менамоянд. Рўзи байналмилалии муҳити зист дар кишвари мо Тоҷикистони соҳибистиқлол ва кулли кишварҳои олам ботантана таҷлил гардида, ба масъалаҳои таъмини амнияти экологии ҷомеа, аз ҷумла пок нигоҳ доштани муҳит, ҳифз намудани сарватҳои табиӣ ва гуногунии биологӣ таваҷҷуҳи махсус зоҳир карда мешавад. Боиси таъкид аст, ки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пайваста дар ҷаласаву ҳамоишҳои сатҳи ҷаҳонию минтақавӣ барои андешидани чораҳо ҷиҳати тағирёбии иқлим аз ҷумла, обшавии пиряхҳо, таъмини аҳолии сайёра бо оби тоза, раванди гармшавии иқлим ва пайомадҳои манфии тағйирёбии он талош варзида, пешниҳодҳои мушаххаси марбут ба масъалаҳои муҳити зист дар байни кишварҳои ҷаҳон обрўву нуфузи баландро соҳиб гардидааст.

27 Май 2024

Баргузории амалиёти “Ҳавои тоза” дар шаҳру ноҳияҳои вилоят

Подробности статьи: Автор; Категория Новости

Дар асоси нақша чорабиниҳои тасдиқгардидаи мақомоти ҳифзи муҳити зист, кормандони шуъбаи мониторинги экологӣ, таҳлилӣ ва ахбороту иттилооти Сарраёсат дар ҳамҷоягӣ бо шуъбаи милитсияи экологӣ ва сайёҳии ВКД-и Ҷумҳурии Тоҷикистон дар вилояти Суғд, бо мақсади кам намудани ихроҷи партови моддаҳои зараровар ба ҳавои атмосфера аз нақлиёт дар шаҳру ноҳияҳои Хуҷанд, Исфара, Истаравшан, Конибодом, Спитамен, Деваштич, Ҷаббор Расулов, Бобоҷон Ғафуров, Масчоҳ ва Зафаробод 12 маротиба амалиёти "Ҳавои тоза" гузаронида шуд. Дар рафти амалиёт 228 адад воситаҳои нақлиёт санҷида шуда, нисбати 23 адад ронандагони воситаҳои нақлиёт, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ намуданд, протоколҳои ҳуқуқвайронкунии маъмурӣ тартиб дода шуд. Тибқи нақша дар дигар шаҳру ноҳияҳои вилоят гузаронидани амалиёти “Ҳавои тоза” дар назар аст.

22 Май 2024

Чорабинии иттилоотӣ бахшида ба Рӯзи байналмилалии гуногунии биологӣ

Подробности статьи: Автор; Категория Новости

Бо мақсади баланд бардоштани маърифати экологии ҷавонон ва бахшида ба санаи экологӣ, 22 май – Рӯзи байналмилалии гуногунии биологӣ вохӯрии намояндаи Сарраёсати ҳифзи муҳити зист дар вилояти Суғд бо аъзоёни «Клуби экологӣ»-и Донишкадаи кӯҳию металлургии Тоҷикистон баргузор гардид. Боиси қайд аст, ки «Клуби экологӣ» дар назди кафедраи экологияи донишкадаи мазкур аз ҳисоби олимону устодон ва донишҷӯён ташкил гардида, даҳсолаи ахир бо мақомоти ҳифзи муҳити зист ҳамкории зич дорад. Ҳарсол дар баргузории аксияҳои экологӣ, мизи мудаввару семинарҳо ва вохӯриҳо, хусусан дар доираи нақшаи чорабиниҳои татбиқи «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025» аъзоёни «Клуби экологӣ» фаъолона иштирок менамоянд. Бахшида ба эълон гардидани соли 2024 – «Соли маърифати ҳуқуқӣ» ва 22 май – Рӯзи байналмилалии гуногунии биологӣ аввалин вохӯрии иттилоотӣ дар соли ҷорӣ, дар толори бахши ҳифзи муҳити зист дар шаҳри Бӯстон гузаронида шуд.

21 Май 2024

22 май - Рӯзи байналмилалии гуногунии биологӣ

Подробности статьи: Автор; Категория Новости

Дар даҳсолаҳои ахир масъалаҳои нигаҳдории гуногунии биологӣ яке аз муаммоҳои глобалии замони муосир маҳсуб меёбад, ки на танҳо олимон, балки тамоми ҷомеаи ҷаҳониро ба ташвиш овардааст. Вазъи нигаҳдории гуногунии биологиро ба эътибор гирифта 22 майи соли 1992 дар конференсияи СММ доир ба ҳифзи зист ва рушд, ки дар Рио-де–Жанейро баргузор шуда буд, Конвенсия доир ба гуногунии биологӣ қабул карда шуд. Ҷумҳурии Тоҷикистон ҳамчун аъзои соҳибҳуқуқи ҷомеаи ҷаҳонӣ онро соли 1997 тасдиқ намуда, ӯҳдадории худро дар доираи Конвенсия қабул кард. Муаммоҳои нигаҳдории гуногунии биологӣ ва устуворона истифодабарии он яке аз равандҳои баҳсу талош ва оштинопазирӣ дар конференсияҳои байналмиллалӣ, симпозиумҳо ва ҷаласаҳо маҳсуб меёбад. Аз ин лиҳоз, бо ташаббуси Академияи илмҳои Ҷумҳурии Тоҷикистон ва Кумитаи ҳифзи муҳити зисти назди Ҳукумати Ҷумҳурии Тоҷикистон дар даврони соҳибистиқлолии кишвар ба ин масъала аҳамияти ҷиддӣ дода, мунтазам чорабиниҳои гуногуни сатҳӣ байналмилалӣ ва ҷумҳуриявӣ гузаронида мешаванд. Имрӯзҳо дар саросари кишварамон омилҳои таъсиррасон ба олами гуногуни биологӣ ба назар мерасад.