Бо мақсади тозаву обод намудани муҳити зист, бахшида ба 28 солагии Истиқлолияти давлатии Ҷумҳурии Тоҷикистон дар микроноҳияҳои 32, 33, 34 маҳаллаи «Дӯстии халқҳо»-и  ш.Хуҷанд аксияи «Тозагии маҳал» гузаронида шуд. Дар аксия  кормандони муассисаҳои  таълими, сокинони махалла  ва соҳибкорон иштирок намуда, тақрибан 1,5 – 2 км роҳи пиёдагардон ва ҷуйборҳо аз партовҳо тоза карда шуда, 5,3 м3 партовҳо ба партовгоҳи шаҳр бароварда шуд. Бахшида ба идҳои миллии дар пеш истода баргузории аксияи мазкур дар дигар маҳаллаҳои шаҳри Хуҷанд низ ба нақша гирифта шудааст.

      Ҳангоми гузаронидани амалиётҳои фаврӣ санаҳои  26 ва 27 и юли соли равон  дар шоҳроҳи Хуҷанд – Душанбе дар ҳудуди ноҳияи Деваштич  аз ҷониби кормандони шуъбаи  назорати давлатии ҳифзи олами набототу ҳайвонот ва захираҳои моҳии Раёсати ҳифзи муҳити зисти вилояти Суғд фурӯши ғайриқонунии мор (мори печони шарқи), ки ба Китоби Сурхи Ҷумҳурии Тоҷикистон дохил карда шудааст,  ҳангоми фуруши ғайриқонунӣ аз тарафи сокини ноҳияи Деваштич ошкор гардид. Нисбати қонуншикан Шарипов Отабек Олимович, ки сокини ноҳияи Деваштич, чамоати дехоти Яхтан, дехаи Хоча Тохир  мебошад, санад ва протоколи ҳуқуқвайронкунии маъмурӣ тартиб дода шуда, тибқи замимаи №9 Қарори Ҳукумати Ҷумҳурии Тоҷикистон таҳти №790 барои як сари он 6 ҳадди аққал яъне 330 сомонӣ барои 3 сар 990 сомонӣ зарар ҳисоб карда  шуд. Морҳои мусодиракардашуда  ба муҳити табиӣ сар дода шуд.

Дар шаҳру ноҳияҳои вилояти Суғд бахшида ба 28 солагии Истиқлолияти давлатии Ҷумҳурии Тоҷикистон корҳои ободонию созандагӣ  бомаром  идома дорад.

Бо ин мақсад   бо иқдоми бахши ҳифзи муҳити зисти ш.Бӯстон дар мувофиқа бо мақомоти иҷроияи ҳокимияти давлатии шаҳри Бӯстон  дар як қатор мавзеҳои кабудизори шаҳр (кӯчаҳои Ю.Гагарин, Б.Ғафуров) бо истифодаи техникаи махсус  шабона корҳои профилактикӣ гузаронида  шуд .

Бояд қайд кард, ки ҳангоми аз назаргузаронии мавзехои кабудизори шаҳр ҳодисаҳои ба касалӣ гирифтор шудани ниҳолҳо ва дарахтон мушоҳида гардид, ки ин боиси рехтани баргҳои дарахтон ва хушкшавии онҳо гардида, ба ҳолати экологӣ ва эстетикӣ таъсири манфӣ  расонид. Ба сохторҳои масъул  тавсия дода шуд, ки бо мақсади тезтар барқарор кардани  дарахтони касал онҳо бояд  бо маводҳои иловагии ғизоӣ таъмин карда шуда,  обмонии дарахтон ва ниҳолҳо мунтазам ба роҳ монда шавад.

Дирӯз дар толори хурди маҷлисгоҳи мақомоти иҷроияи ҳокимияти давлатии шаҳри Хуҷанд ҷиҳати омодагӣ ба ҷашни 30-солагии Истиқлолияти давлатии Ҷумҳурии Тоҷикистон», бо мақсади татбиқи нақшаи чорабиниҳо оид ба эълонгаштани солҳои 2019-2021 «Солҳои рушди деҳот, сайёҳӣ ва ҳунарҳои мардумӣ»  вохӯрӣ бои момхатибони масҷидони ҷомеа ва панҷвақта доир гардид. Дар он намояндагони бахши дин, танзими анъана ва ҷашну маросими МИҲД ш.Хуҷанд, маркази назорати давлатии санитарию эпидемиологии шаҳр ва сардори шуъбаи ҳифзи муҳити зисти ш.Хуҷанд иштирок доштанд. Дар ҷараёни вохӯрии мазкур ҷиҳати тозаву обод нигоҳ доштани масҷидҳо, риоя намудани талаботҳои санитариву гигиенӣ ва дигар масъалаҳо избрози ақида карда шуд.