Все статьи
07 June 2022
Тарғиби маърифати экологӣ асоси фаъолият
- Подробности статьи
- Автор
- Категория News
Дар шуъбаи ҳифзи муҳити зисти шаҳри Хуҷанд ба муносибати Рўзи байналмилалии ҳифзи муҳити зист нишаст баргузор гардид. Азиз Дўстматов, сардори шуъбаи ҳифзи муҳити зисти шаҳри Хуҷанд таъкид дошт, ки ҳамасола дар қаламрави олам санаи 5-уми июн ҳамчун Рўзи байналмилалии ҳифзи муҳити зист таҷлил мегардад. Воқеан ҳам вазъи муҳити зист дар сайёра дигаргун мегардад ва мо, сокинони сайёраро зарур меояд, ки баҳри ҳифз ва ҳимояи неъматҳои табиат талош варзем. Эълом гардидани Рўзи умумиҷаҳонии ҳифзи муҳити зист маҳз ҳамин маъниро дорад ва барои огоҳӣ пайдо намудани ҷомеа ва ҷиҳати баланд бардоштани маърифатнокии онҳо вобаста ба муаммоҳои экологӣ тадбири асосӣ ва саривақтӣ маҳсуб меёбад. Инсон бо табиат робитаи зич дорад ва онро чун манбаи ҳастӣ барои зиндагии хеш истифода мебарад. Сипас барои саҳмгузорӣ дар ҳамкории мутақобилан судманд сармуҳаррири рўзномаи “Тирози ҷаҳон” Муҳайё Воситзода, сардори Дафтари матбуоти Раиси шаҳри Хуҷанд Маъмури Юсуфзод, наворбардори Дафтари матбуоти Раиси шаҳри Хуҷанд Зокирҷон Холов ва роҳбарони литсейҳои политехникӣ, сохтмонӣ, касбӣ-хизматӣ, техникии шаҳри Хуҷанд бо Сипоснома ва туҳфаҳои хотиравии шуъбаи ҳифзи муҳити зист қадршиносӣ гардиданд. Таъкид шуд, ки дар оянда низ барои тозаву озода нигоҳ доштани муҳити зисти шаҳр, тарғиби фарҳанги зебоипарастӣ, маърифати экологӣ ва тарзи ҳаёти тозаву солим дар ҳамкорӣ бо шуъбаи ҳифзи муҳити зисти шаҳри Хуҷанд корҳо тақвият бахшида мешавад.
Аксияи “Тозагии маҳал” бахшида ба Рӯзи умумиҷаҳонии муҳити зист
- Подробности статьи
- Автор
- Категория News
Бо ташаббус ва ибтикори бахши ҳифзи муҳити зисти ноҳияи Мастчоҳ бахшида ба Рӯзи умумиҷаҳонии муҳити зист дар шаҳраки Бӯстон аксияи “Тозагии маҳал” гузаронида шуд, ки дар он гурӯҳи волонтиёрон аз ҳисоби донишҷӯёни коллеҷи кишоварзии ноҳия кӯчаву гулгаштҳо ва назди каналҳои обгузарро аз партовҳо пурра тоза намуданд. Бахш тасмим гирифтааст, ки чунин корҳои тозагиро дар дигар ҷамоатҳои шаҳраку деҳоти ноҳия идома диҳад.
Ҳифзи табиат - ҳифзи ватан
- Подробности статьи
- Автор
- Категория News
Бахшида ба Рӯзи умумиҷаҳонии ҳифзи муҳити зист дар Қасри фарҳанги ноҳияи Мастчоҳ ҳамоиши тантанавӣ баргузор гардид. Дар чорабинии идона раиси ноҳия Аъзам Ализода ва муовини сардори Сарраёсати ҳифзи муҳити зисти вилояти Суғд Бунёд Абдумаликзода ширкат варзида, сокинони ноҳияро ба ин муносибат табрик гуфтанд. Раиси ноҳия бо таваҷҷуҳ ба баланд бардоштани маърифати экологии шаҳрвандон ва ҳифзи муҳити зист, таъкид намуд, ки “дар партави дастгириҳои пайвастаи Пешвои миллат, Ҳукумати мамлакат ва Мақомоти иҷроияи ҳокимияти давлатии вилояти Суғд дар ноҳияи Мастчоҳ барои татбиқи сиёсати экологӣ, ҳифзи табиат ва истифодаи оқилонаи сарватҳои он тамоми шароиту имкониятҳо фароҳам гардидааст.” Зикр карда шуд, ки ҳамасола чорабиниҳои тарғиботию ташвиқотӣ, аксияҳо ва корҳои фаҳмондадиҳӣ дар заминаи татбиқи Барномаи давлатии марбут ба баланд бардоштани маърифати экологӣ дар сатҳи зарурӣ баргузор карда мешаванд.
Таҷлили Рӯзи байналмиллалии муҳити зист дар вилояти Суғд
- Подробности статьи
- Автор
- Категория News
Бахшида ба Рӯзи байналмилалии муҳити зист санаи 3 июн дар назди театри мазҳакаи мусиқавии ба номи Камоли Хуҷандӣ бо иштироки ҳунармандони шинохтаи эстрадаи тоҷик консерти идона баргузор гардид. Дар қисми расмӣ бо суханони табрикӣ муовини раиси вилояти Суғд Зариф Мирдадо, намоянда аз Кумитаи ҳифзи муҳити зисти назди Ҳукумати Ҷумҳурии Тоҷикистон Ҷӯраев Абдусалим ва раиси шаҳри Хуҷанд Фирдавс Шарифзода баромад намуда, як қатор собиқадорону кормандони соҳа барои хизматҳои шоиста, ноил гардидан ба нишондиҳандаҳои хуби меҳнатӣ дар татбиқи сиёсати давлатии экологӣ, барои ҳамкорӣ ва гузоштани саҳми арзанда дар беҳдошти муҳити зист намояндагони корхонаҳои калони саноатии вилоят, ташкилотҳои ҷамъиятӣ ва воситаҳои ахбори омма бо сипосномаву тӯҳфаҳо сарфароз гардонида шуданд.
03 June 2022
Табрикоти сардори Сарраёсати ҳифзи муҳити зист дар вилояти Суғд Ҳакимзода Абдуаҳад Қурбон ба муносибати 5 июн – Рўзи байналмилалии муҳити зист
- Подробности статьи
- Автор
- Категория News
Кормандони мақомоти соҳаи ҳифзи муҳити зист ва муҳофизону дӯстдорони табиат ҳар сол санаи 5 июн иди касбии худро қайд менамоянд. Рўзи байналмилалии муҳити зист яке аз санаҳои басо муҳим барои аҳли сайёра ҳисобида мешавад, зеро ҳамасола дар кишварҳои гуногун чорабиниҳои расмӣ доир мегарданд, ки ин ба ҷалби тамоми аҳли ҷомеа ба муаммоҳои мубрами экологии кишварҳо кӯмак ва саҳмгузорӣ менамояд. Таъмини амнияти экологии ҷомеа аз мубрамтарин масъалаҳои умумибашарӣ ба ҳисоб рафта, барои бори дигар ҷалб намудани таваҷҷўҳи оммаи васеъ ба масоили экологӣ имконияти хубест. Бо дастгирии Кумитаи ҳифзи муҳити зисти назди Ҳукумати Ҷумҳурии Тоҷикистон ва мақомоти иҷроияи ҳокимияти давлатии вилояти Суғд соҳаи ҳифзи муҳити зист рушду нумӯъ ёфта, дар вусъати бунёдкорӣ, дар амал татбиқ кардани ҳадафҳои созандаи Сарвари давлат, дастгирии иқдомҳои шоистаи шаҳрвандони кишвар ва омодагӣ ба ҷашнҳои давлатии миллӣ саҳми арзанда дорад.Дар тамоми гӯшаю канори кишвари азизамон айни замон раванди ободониву созандагӣ бо маром идома дошта, ҳар як фарди тоҷику тоҷикистонӣ мехоҳад бо дастовези арзанда 25-умин солгарди ба имзо расидани Созишномаи умумии истиқрори сулҳ ва ризоияти миллӣ дар Тоҷикистон ва 30-солагии Иҷлосияи XVI Шӯрои Олии Ҷумҳурии Тоҷикистон истиқбол гирад. Ин ҳама пешравию ободкориҳо самараи таваҷҷӯҳу ғамхориҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба масъалаҳои муҳити зист ва истифодаи босамари захираҳои табиӣ мебошанд. Ба муносибати Рўзи байналмилалии муҳити зист тамоми дўстдорони табиатро табрику муборакбод гуфта, сиҳатмандиву сарбаландӣ ва дар фаъолияти меҳнатӣ барори кору муваффақиятҳои рӯзафзунро баҳри ҳифзи табиати бою нотакрори Ватани маҳбубамон орзу менамоям. Рӯзи байналмилалии муҳити зист муборак!
31 May 2022
Амалиёти назоратӣ дар минтақаи пойгоҳи обкашии “Маҳрам 1”-и шаҳри Конибодом
- Подробности статьи
- Автор
- Категория News
Аз ҷониби нозирони Сарраёсати ҳифзи муҳити зист якҷоя бо корманди Раёсати Кумитаи давлатии амнияти миллии Ҷумҳурии Тоҷикистон дар вилояти Суғд, ҳангоми гузаронидани амалиёти назоратии шабонарӯзӣ дар обанбори Баҳри Тоҷик, дар наздикии минтақаи пойгоҳи обкашии “Маҳрам 1”, ҷамоати деҳоти Куҳандиёри шаҳриКонибодом ҳолати сайди ғайриқонунии моҳӣ дар давраи тухмгузорӣ ошкор гардидаст. Ду нафар шаҳрвандон - Мавлонов Сарват ва Акрамов Дилшод, ҳангоми баромадан аз обанбор боздошт гардиданд, ки дар қаиқи резинии онҳо 67 сар моҳии навсайдшуда, аз он ҷумла суфмоҳӣ – 20, нуқрамоҳӣ – 34 ва зағорамоҳӣ - 13 сар муайян карда шуд. Барои сайд намудани моҳӣ санад тартиб дода шуда, мавод бо хулосаи ихтиологӣ барои андешидани чораҳо ба мақомоти прокуратураи вилоят супорида мешавад.
27 May 2022
Амалиёти “Ҳавои тоза” яке аз роҳҳои пешгирии ифлосшавии ҳаво
- Подробности статьи
- Автор
- Категория News
Ҳар моҳ, мунтазам дар шаҳру ноҳияҳои вилояти Суғд бо мақсади кам намудани ихроҷи моддаҳои зараровар ба ҳавои атмосфера амалиёти «Ҳавои тоза» гузаронида мешавад. Тибқи нақшаи пешбинигардида аз тарафи мутахассисони бахши ҳифзи муҳити зисти шаҳри Истаравшан дар ҳамкорӣ бо кормандони шуъбаи милитсияи экологӣ ва сайёҳии ВКД-и Ҷумҳурии Тоҷикистон дар минтақаи вилоят чунин амалиёт ҷиҳати муайян намудани миқдори партови моддаҳои ифлоскунанда ба ҳавои атмосфера аз нақлиёт дар натиҷаи сӯхтани сӯзишворӣ - дизелӣ, бензин ва гази моеъ дар кўчаи марказии шаҳри Истаравшан баргузор гардид. Дар рафти амалиёти мазкур, ҳамагӣ 25 адад нақлиёти автомобилии тамғааш гуногун аз санҷиши аналитикӣ гузаронида, нисбати ронандагони 2 адад воситаҳои нақлиёт, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба ҳавои атмосфера барзиёд ихроҷ намудаанд, протоколҳои ҳуқуқвайронкунии маъмурӣ тартиб дода шуд ва барои чораандешӣ ба шуъбаи БДА-и шаҳр ирсол гардид.
Мизи мудаввар дар доираи амалисозии Барномаи давлатии соҳавӣ ва Конвесияи Орхус дар вилояти Суғд
- Подробности статьи
- Автор
- Категория News
Дар утоқи «Озмоишгоҳи инноватсионӣ»-и Маркази таҳсилоти иловагӣ дар вилояти Суғд баҳри татбиқи «Барномаи давлатии маҷмўии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025» ва Конвесияи Орхус дар вилоят мизи мудаввар баргузор гардид. Чорабинии мазкур барои минбаъд муайян намудани нақшаи ҳамкорӣ ва такон бахшидани раванди иҷрои Барнома дар соҳаи маориф бахшида шуда, дар рафти кори он роҳбарони маҳфилҳо, мудирони шуъбаи табиатшиносони ҷавон, экология ва ҳифзи муҳити зисти Марказҳои таҳсилоти иловагӣ дар вилоят ва шаҳру ноҳияҳои Хуҷанд, Истаравшан, Б.Ғафуров ва Ашт иштирок намуданд. Мувофиқи барномаи мизи мудаввар аз ҷониби сармутахассиси Сарраёсати ҳифзи муҳити зист дар вилоят, роҳбар ва ёвари Маркази Орхус дар шаҳри Хуҷанд дар бораи «Барномаи давлатии маҷмўии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025», фаъолияти Маркази Орхус ва Конвесияи Орхус, ҳамчунин лоиҳаи раҳнамо барои омӯзгорони муассисаҳои таҳсилоти миёнаи умумӣ «Дастур оид ба таълими иловагии экологӣ», фаъолияти Маркази таҳсилоти иловагӣ дар вилоят, шиори 5 июн – Рўзи умумиҷаҳонии муҳити зист дар соли 2022 ва дигар маълумот дар бораи муаммоҳои экологии замони муосир баромаду презентатсияҳо пешкаши иштирокдорон гардид.
24 May 2022
Амалиёти “Ҳавои тоза” дар ноҳияи Бобоҷон Ғафуров
- Подробности статьи
- Автор
- Категория News
Бо мақсади назорат ва кам намудани ихроҷи моддаҳои зараровар ба ҳавои атмосфера аз ҷониби мутахассисони шуъбаи назорати давлатии истифода ва ҳифзи ҳавои атмосфераи Сарраёсат дар ҳамкорӣ бо кормандони шуъбаи милитсияи экологӣ ва сайёҳии ВКД-и Ҷумҳурии Тоҷикистон дар ноҳияи Бобоҷон Ғафуров шоҳроҳи Хуҷанд – Ғафуров амалиёти «Ҳавои тоза» гузаронида шуд. Дар натиҷаи санҷиши 26 адад нақлиёти тамғаашон гуногун барои вайрон кардани меъёри стандартҳои давлатӣ ва барзиёд ихроҷ намудани моддаҳои ифлоскунанда ба ҳавои атмосфера нисбати 3 нафар ронандаҳо протоколҳои ҳуқуқвайронкунии маъмурӣ тартиб дода шуда, барои чораандешӣ ба шуъбаҳои БДА-и шаҳру ноҳияҳо ирсол карда шуд.
Амалиёти “Ҳавои тоза” дар шаҳри Исфара
- Подробности статьи
- Автор
- Категория News
Баҳри иҷроиши нақшаи кории шуъбаи мониторинги экологӣ, таҳлил ва иттилооту ахбороти Сарраёсат ва нақшаи кории бахши ҳифзи муҳити зист дар шаҳри Исфара дар кӯчаи марказӣ амалиёти «Ҳавои тоза» гузаронида шуд. Дар амалиёт 30 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ (дизелӣ, бензин ва гази моеъ) муайян гардид. Дар рафти амалиёт нисбати ронандагони 5 адад воситаҳои нақлиёти автомобилие, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ кардаанд, протоколҳои ҳуқуқвайронкунии маъмурӣ тартиб дода шуда, барои чораандешӣ ба БДА-и шаҳр ирсол гардид.