Дар асоси нақша чорабиниҳои Раёсат ба истиқболи сазовори ҷашни миллии Истиқлолияти давлатии Ҷумҳурии Тоҷикистон пайваста маъракаҳои дастаҷамъонаи ободкорию созандагӣ гузаронида шуда истодааст. Дар ин радиф имрӯз баҳри тозаву обод намудани гирду атрофи бино имруз дар Раёсати ҳифзи муҳити зисти вилояти Суғд бо иштироки кормандон шанбегӣ доир гардид. Рафти шанбегӣ қадди роҳҳо аз алафҳои бегонаи ҳархела ва партовҳо тоза карда шуда, бо мақсади беҳтар намудани ҳолатиэкологӣ ва эстетикӣ дарахтони бисёрсола ба тартиб дароварда шуданд.

   Дар асоси нақша чорабиниҳои Раёсат баҳри сазовор истиқбол гирифтани ҷашнхои давлатӣ, бо иқдоми бахши ҳифзи муҳити зисти ноҳияи Ҷ.Расулов дар минтақаи Томчисой аксияи «Тозагии соҳил» доир гардид. Аксия бо иштироки фаъолонаи хонандагони муассисаҳои таълимии литсейи № 1 ва мактаби таҳсилоти миёнаи умумии № 17 ва сокинони ҷамоатҳои шаҳракаи Меҳрободи ноҳия сурат гирифта, сой аз алафҳои бегона ва партовҳои ҳархела тоза карда шуд. Ба партовгоҳи ноҳия 3 м3 партов бароварда шуд.

Дар асоси нақшаи чорабиниҳои Раёсат ба истиқболи сазовори ҷашни Истиқлолияти давлатии Ҷумҳурии Тоҷикистон, бо иқдоми шуъбаи ҳифзи муҳити зисти ноҳияи Б.Ғафуров дар сойи Хоҷабоқирғони ҷамоати деҳоти Ғозиён аксияи «Тозагии соҳил» гузаронида шуд. Аксия бо иштироки сокинони ҷамоат, бахусус ҷавонони ташаббускори ихтиёрӣ, ки дар ободии муҳити зист бетараф нестанд, новобаста аз рӯзҳои корӣ доир гардида, сой аз ҳаргуна партовҳои гуногуни маишӣ пурра тоза гардид. Дар натиҷа 2 м3 партов ба партовгоҳи ноҳия бароварда шуд.

Дар асоси нақшаи чорабиниҳои Раёсат, бо мақсади пурзӯр намудани назорат дар самти ҳифзи ҳавои атмосфера, дар ҳудуди ноҳияи Зафаробод аз тарафи кормандони шуъбаи назорати таҳлилии Раёсати ҳифзи муҳити зисти вилояти Суғд якҷоя бо кормандони бахши ҳифзи муҳити зисти ноҳия амалиёти «Ҳавои тоза» гузаронида шуд. Дар амалиёти мазкур 30 адад воситаҳои нақлиёт, ки дар таркиби дудашон моддаҳои ифлоскунанда мавҷуд мебошад аз ташхис гузаронида шуд.